Ádilet mınıstri M. Tetcher ordeniniń satylýy jóninde pikir bildirdi

<p>ASTANA. KAZINFORM &mdash; QR Ádilet mınıstri Azamat Esqaraev brıtandyq saıasatker Margaret Tetcherge tıesili &laquo;Dostyq&raquo; ordeniniń satylýy jóninde pikir bildirdi.</p>

«Bul aqparattan habardarmyz. Árıne, bizdiń zańnama boıynsha memlekettik nagradalardy satýǵa bolmaıdy. Bul úshin bizdiń Qylmystyq kodekste jaýapkershilik bar. Eger adam memlekettik nagradalardy saýdalasa, tıisti jaýapkershilikke tartylady. Margaret Tetcher tarıhı tulǵa bolǵandyqtan, olardyń jeke zattaryn, qujattary men habbaryn aýktsıonǵa shyǵarý tájirıbesi bar. Bul olardyń mádenıetiniń bir bóligi», — dedi mınıstr M. Nárikbaev atyndaǵy ýnıversıtette tilshilerge bergen suhbatynda.

Tilshiler mınıstrden dál osy oqıǵa boıynsha tekserý júrgizý men jaýapqa tartý sharalary júrgizile me dep surady.

Óz kezeginde A. Esqaraev bul suraq Syrtqy ister jáne Mádenıet mınıstrlikteriniń quzyretinde ekenin aıtty.

Buǵan deıin BAQ betterinde Margaret Tetcherge tabystalǵan «Dostyq» ordeniniń satylymǵa shyǵarylǵany habarlanǵan edi. 

Bul marapat Margaret Tetcherge 2001 jyly Qazaqstan men Ulybrıtanııa arasyndaǵy qarym-qatynastardy damytýǵa qosqan úlesi úshin berilgen.