Ádilbek Ómirálıev Qazaq Air basqarma tóraǵasynyń mindetin ýaqytsha atqarady
21 mamyrdan bastap «Samuryq-Qazyna» AQ sheshimine sáıkes «QAZAQAIR» AQ basqarma tóraǵasynyń mindetin ýaqytsha atqarý «QAZAQ AIR» AQ basqarma múshesi — qarjy dırektory Ádilbek Jumabaıuly Ómirálıevke júkteldi.
Ádilbek Ómirálıev 2010 jyldan bastap «Samuryq — Qazyna» AQ-nyń aktıvterdi basqarý salalyq blogynda jumys istedi jáne qordyń kadr rezervine kirdi.
2019 jyly ol «QAZAQ AIR» AQ-nyń qarjy dırektory — basqarma múshesilaýazymyna aýysty.
2007-2009 jyldary «Qazaqstan Ǵarysh Sapary» AQ jáne «Zerde» Ulttyq ınfokommýnıkatsııalyq holdınginde jumys istegen.
Ádilbek Ómirálıev M. Lomonosov atyndaǵy MMÝ qoldanbaly matematıka jáne ınformatıka mamandyǵy boıynsha bilim alyp, T. Rysqulov atyndaǵy Qazaq ekonomıka, qarjy jáne halyqaralyq saýda ýnıversıtetin bitirgen.
European University Business School bilim ordasynda halyqaralyq bıznes mamandyǵy boıynsha MBA dárejesin aldy, sondaı-aq ol IATA baǵdarlamasy boıynsha Airline Management dıplomynyń ıegeri.
Eske sala keteıik, eki kún buryn Qazaq Air basshysy Nurlan Jaqypovtyń qyzmetinen ketkenin habarlaǵan edik.
QAZAQ AIR — IOSA halyqaralyq qaýipsizdik standarty boıynsha sertıfıkattalǵan qazaqstandyq óńirlik avıatasymaldaýshy.
Áýekompanııa IATA halyqaralyq áýe kóligi qaýymdastyǵynyń resmı múshesi.
2015 jyly QAZAQ AIR áýekompanııasy básekelestik ortaǵa berý jónindegi memlekettik baǵdarlamaǵa engizildi.
2022 jyldan bastap operatsııalyq tabystylyqqa qol jetkizgennen keıin ony jekeshelendirý belsendi túrde júrgizile bastady.