Ádilbek Mýsın irikteýden ótpeı qaldy

<p>PARIJ. KAZINFORM - Frantsııada ótip jatqan Olımpıada oıyndarynda ulttyq qurama sportshysy Ádilbek Mýsın 100 metrge shalqalaı júzýden jartylaı fınalǵa óte almady.</p>

Ol márege 8-shi bolyp jetti. Ýaqyt kórsetkishi - 49.92 sekýnd. Ókinishke qaraı, otandasymyz kelesi kezeńge shyǵa almaı, bul baǵdarlamany aıaqtady. 

Endi Mýsın 2 tamyzda 100 metrge batterflıaı ádisimen júzýde synǵa túsedi.

Buǵan deıin Frantsııa astanasy Parıj qalasynda ótip jatqan Olımpıada oıyndarynda búgin dzıýdodan áıelder arasynda synǵa túsken Esmıgýl Kýıýlova jarystan keıingi áserimen bólisken edi.

Esterińizge sala keteıik, osyǵan deıin erler arasynda Abylaı Jubanazar da alǵashqy beldesýinde utylyp qalǵan bolatyn.