Ádisker: Ekonomıkalyq ilgerileýimizdiń negizi - bilim men ǵylym
«Abaı jáne XXI ǵasyrdaǵy Qazaqstan» maqalasynda eldi mazalap júrgen máseleler men sheshý joldaryn atap ótti. Sonyń ishinde ana tilimizdiń damýy men dáriptelýine jáne otandyq bilim salasyn jetildirýge erekshe kóńil bólingeni erekshe qýantady.
Dana halqymyz «Bilikti birdi jyǵady, bilimdi myńdy jyǵady» degen. Sondyqtan da mádenı, ǵylymı-tehnologııalyq, ekonomıkalyq ilgerileýimizdiń negizi - bilim men ǵylym bolyp qala beretini belgili. Osy oraıda Prezıdentimizdiń «Pedagog mártebesi týraly» zańdy qabyldaýyn atap ótpeske bolmaıdy. Sebebi bolashaq urpaqqa sapaly bilim men sanaly tárbıe berý isindegi muǵalimderdiń qosar úlesi sheksiz», - deıdi Á.Qarsabaeva.
Onyń aıtýynsha, Abaıdyń «Qara sózderi» jastardyń ǵylym men bilimge degen qulshynysyn arttyra túspek.
«Memleket basshysy óz maqalasynda «Abaı shyǵarmalaryna zer salsaq, onyń únemi eldiń alǵa jyljýyna, ósip-órkendeýine shyn nıetimen tileýles bolǵanyn, osy ıdeıany barynsha dáriptegenin baıqaýǵa bolady» dep ultymyzdyń jańǵyrtý isinde Abaı murasyn basshylyqqa alyp, utymdy paıdalanýymyz kerektigin atap ótedi. Jalpy, Abaıdyń «Qara sózi» ǵulamanyń 175 jyldyq mereıtoıyn merekeleý aıasynda ótkiziletin is-sharalarda halyqqa keńinen nasıhattalyp, jastardyń ǵylym men bilimge, izdenýshilikke qyzyǵýshylyǵyn arttyratynyna senimdimin», - dep túıindedi Á.Qarsabaeva.
Aıta keteıik, «Egemen Qazaqstan» gazetiniń búgingi sanynda Memleket basshysy Qasym-Jomart Toqaevtyń «Abaı jáne XXI ǵasyrdaǵy Qazaqstan» atty maqalasy jaryq kórgen bolatyn.