Ádilhan Erjanovtyń Shtýrm fılmi Los-Andjeleste ótken festıvalde júlde aldy

NUR-SULTAN. QazAqparat - Ádilhan Erjanov túsirgen jańa kınotýyndy LA Asian Pacific Film Festival kınofestıvalinde Gran-prı júldesine (Grand Jury Award for Best Narrative Feature) ıe boldy, dep habarlaıdy QazAqparat «Qazaqfılm» kınostýdııasyna silteme jasap.

Fılmdegi oqıǵa Qaratas aýylyndaǵy mektepte órbıdi. Bilim ordasyn basyp alǵan belgisiz bireýler oqýshylardy tutqynǵa alyp, olardy bosatý úshin eshqandaı talap qoımaıdy. Qaladan kómekke shyqqan qutqarýshylar alaı-dúleı soqqan yzǵarly borannan jete almaǵandyqtan, mektep ustazy Tazshy ata-analardyń basyn qosyp, balalardy bosatýǵa bel býady.

Fılmdegi basty rólderdi Azamat Nyǵmanov, Aleksandra Revenko, Berik Aıtjanov, Danııar Alshynov, Nurlan Batyrov, Teoman Hos, Erken Gýbashev jáne Erden Telemisov somdaıdy.

«Shtýrm» – reseılik LOOKFILM jáne FORESTFILM kompanııalarynyń qoldaýymen ShortBrothers prodıýserlik kompanııasy túsirgen Qazaqstan men Reseıdiń birlesken týyndysy. Sondaı-aq jobany jasaýǵa «Qazaqfılm», Cinerental kınostýdııasy jáne áıgili Nomad Stunts kaskaderler toby atsalysty.

Esterińizge sala ketsek, sáýir aıynda atalǵan fılm Frantsııada ótken Festival international du Film Policier Reims Polar kınofestıvalinde Gran-prı jáne synshylardyń júldesimen marapattalǵan bolatyn.

Fılmniń stsenarısti jáne rejısseri Ádilhan Erjanov.

Prodıýserler: Serik Ábishev, Olga Hlaşeva, Aleksandr Plotnıkov, Borıs Hlebnıkov, Natalıa Drozd, Anna Tıhonova, Abylaıhan Áshimov, Jaıdarbek Kúnǵojınov

Qoıýshy operator: Aıdar Sháripov

Qoıýshy sýretshi: Ermek Ótegenov

Kompozıtory: Ǵalymjan Moldanazar