Ádiletti Qazaqstanda eńbek adamyna erekshe qurmet kórsetilýi tıis - Memleket basshysy

ASTANA. QazAqparat – Ustaz, dáriger, tártip saqshysy, qutqarýshy, jumysshy, sharýa sııaqty mamandardyń mártebesin odan ári arttyra túsýimiz qajet. Bul týraly ulyqtaý rásiminde Qazaqstan Respýblıkasynyń Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ádiletti Qazaqstanda eńbek adamyna erekshe qurmet kórsetilýi tıis. Ásirese, ustaz, dáriger, tártip saqshysy, qutqarýshy, jumysshy, sharýa sııaqty mamandardyń mártebesin odan ári arttyra túsýimiz qajet», - dedi Qasym-Jomart Toqaev.

Osy oraıda Prezıdent atalǵan mamandyqtar boıynsha qyzmet etip júrgender elimizdegi eń syıly azamattarǵa aınalýy kerek ekenin qadap aıtty.

«Osy kásip ıeleri tıisti qurmet pen syıǵa ıe bolǵanda ǵana, qoǵamymyz shynymen jańardy dep aıta alamyz», - dedi Memleket basshysy.