«Ádilet» júıesi halyqtyń quqyqtyq mádenıetin kóterýdi kózdeıdi

ASTANA. 5 jeltoqsan. QazAqparat - Qazaqstannyń 120 myń normatıvtik-quqyqtyq aktileri jınaqtalǵan «Ádilet» júıesi tegin jumys isteıdi. Bul týraly búgingi baspasóz máslıhatynda QR Ádilet mınıstrligi Zańnama departamentiniń dırektory Temirbolat Qojamjarov málim etti.

Onyń habarlaýynsha, búginde www.adilet.zan.kz portalynda barlyq kodekster, zańdar, jarlyqtar, halyqaralyq kelisimder, qaýlylar jáne taǵy basqa qujattar jınaqtalǵan. Aqparattyq júıe kún saıyn jańartylady, ıaǵnı tıisti zańdarǵa ózgerister men tolyqtyrýlar engizilgen jaǵdaıda ol qujattardyń elektrondy nusqasy da ózgertiledi. Zańdardyń eski úlgisi portal qorynda saqtalady. «Ádilet» júıesinde barlyq qujattar qazaq jáne orys tilderinde jazylǵan. Bolashaqta saıttyń aǵylshyn tilindegi nusqasyn da iske qosý josparda bar. Jalpy, bul joba halyqtyń quqyqtyq mádenıetin kóterýdi kózdeıdi», - dep atap kórsetti T.Qojamjarov.