Ádilet mınıstrliginiń taǵy bir qyzmeti egov.kz saıtynda onlaın túrde qoljetimdi boldy
Ádilet mınıstrligi Digital Justice jobalar portfeli sheńberinde Tsıfrlyq damý, ınnovatsııalar jáne aeroǵarysh ónerkásibi mınıstrligimen, sondaı-aq «Memlekettik korporatsııa» KEAQ-men birlesip Memlekettik qyzmet kórsetý protsesterin jeńildetý boıynsha jańa jobalardy qolǵa aldy.
Endi mindetti memlekettik tirkeýge jatpaıtyn jyljymaly múlik kepilin tirkeý qyzmetin egov.kz saıtynda bir jumys kúni ishinde online rejıminde kórsetiledi.
Ol úshin egov.kz saıtynda avtorızatsııadan keıin «Bıznes» → «bıznesti tirkeý jáne damytý» → «Bıznesti tirkeý jáne taratý» → «Mindetti memlekettik tirkeýge jatpaıtyn jyljymaly múlik kepilin tirkeý» bóliminde tıisti ótinimdi toltyrý qajet.
Ótinimde jyljymaly múliktiń túrin kórsetý, rastaıtyn qujatty bekitý, elektrondyq tólem jasaý jáne ETsQ arqyly qol qoıý qajet.
Ótinimdi óńdeý nátıjesin Jeke kabınette, «Qyzmetterdi alý tarıhy» bóliminde baqylaýǵa bolady.