Ádilet mınıstrligi nárestege qosarly esim berýdiń zańdylyǵy týraly túsinikteme berdi
Balanyń esimi ata-ananyń nemese balanyń basqa da zańdy ókilderiniń kelisimi boıynsha beriledi. Ákesiniń aty ata-ananyń nemese balanyń basqa da zańdy ókilderiniń tilegi boıynsha onyń ákesi bolyp kórsetilgen tulǵanyń aty boıynsha beriledi. Qosarly atty berýge at jeke jazylatyn, eki attan kóp bolmaıtyn kezde ruqsat etiledi.
Ákesiniń aty qosarly bolǵan jaǵdaıda ákesiniń aty balaǵa sol attyń bireýi boıynsha nemese ákesiniń eki aty birge jazylǵanda beriledi.
Balalarǵa qosarly atty jazýǵa ruqsat berý týraly norma 2011 jyly Kodeksti qabyldanǵan kezden bastap engizildi. Qoldanystaǵy zańnamada attardyń arasyna syzyqsha belgisin qoıýǵa tyıym salynbaǵan.
«Kodekste azamattardyń qosarly teginiń syzyqsha arqyly jazylýy (mysaly, nekege turýdy tirkegen kezde) týraly normalar qamtylǵan. Atalǵan jaǵdaıda, Kodekstiń 5-babyna sáıkes osyndaı qatynastardy retteıtin, olardyń mánine qaıshy kelmeıtin normalar bar uqsas zań qoldanylady. Osyǵan baılanysty, tirkeýshi organnyń áreketteri qoldanystaǵy zańnama talaptaryna sáıkes kelmeıdi dep paıymdaımyz. Qazaqstan Respýblıkasy Prezıdentiniń 2014 jylǵy 25 tamyzdaǵy №898 «Qazaqstan Respýblıkasynyń memlekettik basqarý deńgeıleri arasynda ókilettikterdiń arajigin ajyratý jónindegi sharalar týraly» Jarlyǵyna sáıkes, ádilet salasynda azamattyq hal aktilerin tirkeý fýnktsııalary qazirgi ýaqytta jergilikti jerlerde aktilerdi tirkeýdi júzege asyratyn jergilikti atqarý organdaryna berilgenin nazarǵa alý kerek»,-dep atap ótilgen QR Ádilet mınıstrligi málimetinde.
2012 jyldan bastap 2016 jylǵy 31 qazanǵa deıingi aralyqta dúnıege kelgen nárestelerge barlyǵy 9 858 qosarly at berilgen, onyń 2 261-i syzyqsha arqyly jazylsa, 7 597-ine mundaı belgi qoıylmaǵan. Esimderdiń jazylýyna qarsy daý aıtý boıynsha azamattardan ótinishter kelip túspegen.
Kodekstiń 257-babyna sáıkes, azamattardyń tegin, atyn jáne ákesiniń atyn ózgertýdi tirkeýshi organdar 13 negiz boıynsha júrgizedi. Negizderdiń atalǵan tizbesi túpkilikti bolyp tabylady. Azamattar óziniń atyn ózgertý múmkindigine oǵan jetkilikti negizder bolǵan kezde ıe bolady. Ótinishke derekterdi ózgertý qajettigin rastaıtyn qujattar qosa berilýi tıis. Ótinishti qaraý nátıjesi boıynsha tirkeýshi organ tıisti qorytyndyny daıyndaıdy, tirkeý tikeleı sonyń negizinde júrgiziledi.
Sonymen qatar atalǵan másele boıynsha quqyq qoldaný tájirıbesi zerdelengennen keıin osy saladaǵy qyzmetti reglamentteıtin normatıvtik quqyqtyq aktilerge ózgerister men tolyqtyrýlar engizý qajettigi qaralatyn bolady.