Ádilet mınıstri Tuńǵysh Prezıdent týraly zańǵa túsinikteme berdi

ASTANA. QazAqparat –QR Ádilet mınıstri Qanat Mýsın Úkimet otyrysynyń kýlýarynda Tuńǵysh Prezıdent týraly zańǵa túsinikteme berdi, dep habarlaıdy QazAqparat tilshisi.

«Konstıtýtsııadaǵy Tuńǵysh Prezıdenttiń aıryqsha mártebesi týraly tustardyń bári alynyp tastalǵan. Sáıkesinshe qazir zańnamany Konstıtýtsııaǵa sáıkestendirý jumystary júrip jatyr», - dedi mınıstr.

Sondaı-aq ol Parlamentten atalmysh zańnyń kúshin joıý týraly bastama túsken jaǵdaıda mınıstrlik pysyqtaýǵa alatynyn atap ótti.

«Árıne, zańnama Konstıtýtsııaǵa sáıkestendiriledi. Sáıkesinshe Tuńǵysh Prezıdent týraly zańnyń óz fýnktsııasyn joǵaltqany týraly sheshim qabyldanady. Jumys jospar boıynsha júrip jatyr. Ázirshe merzimi joq. Zań shyǵarý bastamasy Úkimetke ǵana tıesili emes, Prezıdent pen Parlametke de tıesili. Sondyqtan ondaı bastama depýtattar tarapynan da berilýi múmkin. Biraq qazirgi tańda Ádilet mınıstrligine Parlamentten ondaı zań jobasy túsken joq. Túsken jaǵdaıda pysyqtalady», - dedi Qanat Mýsın.

Foto: primeminister.kz