Ádilet mınıstri Prezıdenttiń jaqyn týystaryna kimder kiretinin aıtty

NUR-SULTAN. QazAqparat – QR Ádilet mınıstri Qanat Mýsın laýazymdy qyzmetke taǵaıyndala almaıtyn Prezıdenttiń jaqyn týystaryna kimder kiretindigin aıtty, dep habarlaıdy QazAqparat tilshisi.

«Zańnamada jaqyn týystarǵa ata-analar, balalar, asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri jatady. Sonymen qatar, sybaılas jemqorlyqqa qarsy is-qımyl týraly zańnama da jekjattar, ıaǵnı erli-zaıyptylardyń jaqyn týystary úshin shekteýler belgileıdi. Óz kezeginde, Prezıdent Jarlyǵymen saıası jáne ákimshilik memlekettik qyzmetshiler laýazymdarynyń tizilimi aıqyndalyp, olarǵa mınıstrler, olardyń orynbasarlary, ákimder, memlekettik organdardyń basshylary jáne basqalar jatqyzylǵan», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Qanat Mýsınniń málimetinshe, jańa zań kúshine engennen keıin Prezıdenttiń aǵasy, ápkesi, balalary ulttyq kompanııalarǵa basshylyq qyzmetke ornalasa almaıdy.