Ádilet mınıstri kúsheıtilgen karantın rejimindegi jańa mindetterge qatysty pikir bildirdi
«Búginnen bastap elimizdiń birneshe qalasynda karantın rejimi kúsheıtildi. Barlyǵymyzǵa bizdiń kúndelikti ómirimizge áser etetin jańa mindetter júktelip otyr. Árqaısymyz osy jańa mindetterdi tolyqtaı oryndasaq, olardyń tıimdiligi artady. Bular qajetti ári ýaqytsha sharalar. Sondyqtan el turǵyndaryn osy mindetterdi jaýapkershilikpen oryndaýǵa shaqyramyz», - dedi M. Beketaev Habar 24 telearnasynda ótken onlaın brıfıngte.
Onyń sózine qaraǵanda, ákimshilik ári qylmystyq sanktsııalar birinshi kezekte aldyn alý sharalaryna arnalǵan.
«Bul santsııalar adamdardy zańdy buzbaýyna yntalandyrýy tıis. Salynatyn aıyppuldar bıýdjetti tolyqtyrý maqsatyn kózdemeıdi. Osy rette salyqtar bıýdjetti qamtamasyz etýge jetkilikti. Atap aıtqanda, polıtseıler tártip buzǵandardyń barlyǵyn qamaýǵa alý maqsatyn qoıyp otyrǵan joq. Olardyń basty maqsaty – ereje buzýdyń aldyn alý, túsindirý sharalaryn júrgizý. Tótenshe jaǵdaı kezeńindegi polıtseılerdiń qıyn jumysyna kómektesýge shaqyramyz. Eger de tıisti maqsatta páterden shyǵatyn bolsańyz, polıtsııa qyzmetkerlerine qaıda jáne qandaı maqsatta bara jatqanyńyzdy túsinikti aıtyńyzdar. Qala ishinde júretin baǵdardy rastaıtyn qujattaryńyz bolsa, bul óz kezeginde polıtseılerdiń jumysyn jeńildetedi»,- dep túsindirdi mınıstr.
Budan buryn habarlanǵandaı, elorda ákimdigi kúsheıtilgen karantın rejimi kezinde jumysqa baratyn azamattardyń ózimen birge qandaı qujat alyp júrýi kerek ekenin aıtty.