Ádilet mınıstri aldaǵy raqymshylyqqa qatysty pikir bildirdi

NUR-SULTAN. QvazAqparat – Táýelsizdiktiń 30 jyldyǵyna oraı jasalatyn amnıstııa Qazaqstandaǵy krımınogendik jaǵdaıdy ýshyqtyrmaı ma? Bul máselege qatysty Ádilet mınıstri Marat Beketaev túsinik berdi, dep habarlaıdy QazAqparat tilshisi.

«Bul turǵyda raqymshylyq jasaý týraly qujattyń naqty baptaryna baılanysty. Ótken jyldardaǵy tájirıbege toqtalsaq, qaskóı qylmyskerler raqymshylyq is-sharalarymen qamtylmady jáne bizde sybaılas jemqorlar úshin jaza boıynsha erekshe normalar bar. Sondyqtan osy salalarda amnıstııaǵa baılanysty qandaı da bir jaǵdaıdyń ýshyǵýy bolady dep topshylaý durys emes. Sebebi bul zań jobasyn daıyndaýǵa qatysatyn zań shyǵarýshylar men quqyq qorǵaý organdary barlyq jaǵdaı men faktorlardy nazarǵa alady», - dedi M. Beketaev Ortalyq kommýnıkatsııalar qyzmetinde.

Eske sala keteıik, bıyl aqpan aıynda QR Іshki ister mınıstrligi «Raqymshylyq jasaý týraly» Qazaqstan Respýblıkasynyń zań jobasyn qoǵam talqylaýyna usyndy.

Byltyrǵy 29 qazanda Іshki ister mınıstrliginiń keńeıtilgen alqa májilisine qatysqan Prezıdent Qasym-Jomart Toqaev Qazaqstan Táýelsizdiginiń 30 jyldyǵyna oraı, azamattarǵa jáne jalpy memleketke qaýip keltirmeıtin qylmys jasaǵan adamdarǵa amnıstııa jasalatynyn jetkizdi.

Jaqynda Іshki ister mınıstrligi raqymshylyqqa ilinbeıtin sottalǵandardyń sanatyn atady.