Ádilbek Sársembaev Ulttyq geologııalyq qyzmet qurýdaǵy basty maqsatty atady
«Memleket basshysy Joldaýynda atap ótkendeı, elimizdiń resýrstyq áleýeti tolyǵymen ashylǵan joq. Geologııalyq zerttelýi de tómen deńgeıde qalyp otyr. Bul baǵytta izdep tabý tehnologııalaryn jaqsartyp, ınvestıtsııany arttyrý qajet. Investorlarǵa keshendi qoldaý kórsetetin Ulttyq geologııalyq qyzmet qurý geologııalyq aqparattardyń ashyq tsıfrlyq málimetter bazasyn ázirleýge jol ashyp, elimizdegi geologııalyq barlaýdy damytýda mańyzdy ról atqaratyn bolady», - dedi vıtse-mınıstr elordada ótip jatqan Astana Mining & Metallurgy 11-shi taý-ken metallýrgııalyq kongresi barysynda.
Vıtse-mınıstr damýdyń shıkizattyń modelinen qaıta óńdeý modeline kóshý aıasynda qaıta óńdeý óndirisin damytý mindeti turǵanyn basa aıtty.
«Bul úshin búginde Úkimet «Ónerkásiptik saıasat týraly» zań ázirledi. Onyń maqsaty - básekege qabiletti, joǵary tehnologııalyq, eksportqa baǵdarlanǵan ónim óndirisin arttyrý jáne damýdyń shıkizattyń módelinen bas tartý arqyly óńdeý ónerkásibiniń turaqty damýyn qamtamasyz etý»,- dedi ol.