«Ádil sóz» qory qamaýǵa alynǵan jýrnalıst Mızaıl Kozachkovqa kómektesýge daıyn

ASTANA. QazAqparat - «Ádil sóz» halyqaralyq sóz bostandyǵyn qorǵaý qory jýrnalıst Mıhaıl Kozachkovtyń ustalýy jóninde pikir bildirdi jáne tilshige qoldaý kórsetti, dep habarlaıdy QazAqparat.

«Biz protsedýralyq normalardyń saqtalmaýyna, qorǵaýshy Anna Veretelnıkanyń tintý jumystary advokattyń qatysýynsyz ótip jatqany týraly habarlamalaryna alańdap otyrmyz. Qarjy monıtorıngi agenttigi baspasóz relızi mátini kinásizdik prezýmptsııasyn jáne QR Konstıtýtsııasynyń 77-babyn buzǵanyna nazar aýdarǵymyz keledi: «Adamnyń kinási sottyń zańdy kúshine engen úkimimen tanylǵansha qylmys jasaǵany úshin kináli emes dep sanalady», - dep jazylǵan qor saıtynda.

«Ádil sóz» qory Mıhaıl Kozachkovtyń kásibı jýrnalıst, Ál-Farabı atyndaǵy QazUÝ túlegi ekenin, 20 jyldan astam tájirıbesi bar ekenin atap ótti.

«Ádil sóz» Mıhaıl Kozachkovqa kómek kórsetýge daıyn jáne Qazaqstandaǵy zertteý jýrnalıstıkasyna qysymnyń kúsheıýine alańdaıdy, bul Prezıdent Toqaev jarııalaǵan saıası reformalarǵa túbegeıli qaıshy keledi», - deıdi sóz bostandyǵyn qorǵaý qory.

Foto: adilsoz.kz