Ádep jónindegi keńes músheleri memlekettik qyzmetshilermen kezdesti
Qazirgi zamanǵy memlekettik qyzmet jahandyq máselelerge tózimdilikti qalyptastyrý jolynda memlekettik qyzmetshilerge jańa talaptar qoıady. Búgingi kúni biz kez kelgen jaǵdaıda tıisti tásilder men aıryqsha sheshimder tabýǵa qabiletti, erekshe oılaıtyn jańa formattaǵy memlekettik qyzmetshilerdi qalyptastyrýdy kózdeımiz. Osy maqsatqa qol jetkizý jolynda týyndaıtyn máselelerdi sheshý jáne joıý qajet. Tájirıbege súıener bolsaq, qazirgi zamannyń dástúrli rásimine aınalǵan beıresmı kezdesýler kóptegen máselelerdiń shuǵyl sheshilýine, memlekettik qyzmetshilerdi jańa daǵdylarǵa jyldam úıretýge, mádenı almasýǵa, tájirıbe qabyldaýǵa jáne oı-óristiń keńeıýine yqpal etedi.
«Rýhanı jańǵyrý» baǵdarlamasynyń aıasynda uıymdastyrylǵan kezdesý beıresmı, basqa sózben aıtqanda «galstýksyz» formatta ótkizilip, ol óz kezeginde ashyq jáne izdeniske toly áńgimeniń týyndaýyna yqpal etti. Qatysýshylar memlekettik qyzmetshilerdiń sanasyn jańǵyrtý birqatar ádetter men taptaýryndardyń ózgerýinsiz múmkin emestigin atap ótti. Bul úshin árbir memlekettik qyzmetshi óz qalaýymen ózgerip, jumysyna degen qarym-qatynasyn da ózgertip, óziniń mańyzdy rólin túsinýi tıis. Sonymen qatar, kópshilik memlekettik qyzmetshiniń tıimdi jumysyna, sanasynyń ózgerýine bóget bolatyn kúndelikti qyzmettegi «artyq» elementterden qutylý qajettigin atap ótti.
Jastarmen jasalǵan jumystyń jańa úlgisi eki jaqtyń da kóńilinen shyqty. Jas mamandar jemqorlyq quqyq buzýshylyqtardyń aldyn alý, memlekettik qyzmet júıesin jetildirý, memlekettik qyzmetshilerdiń Ádep kodeksi talaptaryn ustanýy, olardyń syrtqy kelbeti men áleýmettik jelide ózin ózi ustaýy sııaqty memlekettik organdar qyzmetiniń túrli baǵyttary boıynsha óz pikirlerin bildirdi.
Jıyn barysynda Ádep jónindegi keńestiń róline erekshe kóńil bólindi. Іskerlik ádeptilik jáne resmı ádeptilik talaptaryn ustanýdyń, sonymen qatar memlekettik qyzmetshilerdiń ustamdylyǵy men syrtqy kelbetiniń uqyptylyǵy ádetke aınalýy tıis ekeni aıtyldy.
«Memlekettik qyzmetshi qoǵam tarapynan negizdi synǵa sebepker bolmaı, Ádep kodeksiniń talaptaryn múltiksiz ustanýy tıis. Basshylar bolsa óz qaramaǵyndaǵy qyzmetshiler úshin árqashan úlgi-ónege bolyp, merıtokratııa qaǵıdasynyń ustanylýyn qamtamasyz etýge tıisti» - dedi Ádep jónindegi keńes tóraǵasy, QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Aqmola oblysy boıynsha departamentiniń basshysy Bergen Bespalınov.
Sonymen qatar, Bergen Bespalınov memlekettik qyzmettiń gúldenýine jol ashatyn basty sharttardyń biri - basshylar men onyń qaramaǵyndaǵy qyzmetkerler arasyndaǵy aıryqsha senim men yntymaq ekenin aıtty. Onyń aıtýynsha, osy shart jumystyń tıimdiligine yqpal etedi.
Oblystyq máslıhat depýtaty Álibek Baımaǵambetov jastardy kóbirek bastama kóterýden jalyqpaı, belsendi bolýǵa shaqyrsa, «Qazaqstannyń isker áıelder odaǵy» qoǵamdyq birlestiginiń Aqmola oblysyndaǵy ókili Tursynhan Shaıkına memleket pen bıznestiń ózara qatynasyna toqtalyp ótti.
Dál osyndaı galstýksyz kezdesý 24 qyrkúıekte Jastar saıasaty máseleleri basqarmasynda da ótken. Kezdesýge qatysýshylar - óz taǵdyrlaryn memlekettik qyzmetpen baılanystyrýdy josparlaıtyn JOO stýdentteri.
Kezdesý sońynda Bergen Bespalınov qatysýshylarǵa belsendilik tanytyp, jaqsy ıdeıalar men usynystar aıtqany úshin alǵys bildirip, barlyq paıdaly jáne negizdi ıdeıalardyń qajetti qoldaýǵa jáne kómekke ıe bolatynyna sendirdi.