Ádep kodeksin buzǵan 30 memlekettik qyzmetshi jumystan qýyldy

ASTANA. QazAqparat - Jyl basynan beri 200-ge jýyq memlekettik qyzmetshi ádep kodeksiniń normalaryn buzǵan. Olardyń 30-y jumystan shyǵaryldy. Bul týraly Memlekettik qyzmet isteri jónindegi agenttikte ótken komıssııa jıynynda aıtyldy, dep habarlaıdy QazAqparat 24.kz silteme jasap.

Jaýapqa tartylǵandardyń basym bóligi - Túrkistan jáne Shyǵys Qazaqstan oblysynyń memlekettik qyzmetkerleri. Statıstıkalyq málimetterge úńilsek, 2015 jylmen salystyrǵanda mundaı oqıǵalar sany 40 paıyzǵa tómendep otyr. Biraq qoǵam tarapynan túsetin shaǵymdar kóbeıgen.

«Byltyrǵy saýalnama boıynsha, bıyl agenttikke túsken shaǵymdardyń sany aıtyp otyr. Azamattardan  kelgen shaǵymdar 45 paıyzǵa ósken. Olardyń shaǵymdarynyń arqasynda árbir memqyzmetker tarapynan bolǵan buzýshylyqtar eshqaısysy jasyryn qalmaıdy»,-deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departament dırektory Ravıl Tólebaev.