Ádebıetten Nobel syılyǵynyń laýreaty belgili boldy

ASTANA. QazAqparat - Ádebıet salasynda 2017 jylǵy Nobel syılyǵy Japonııada týǵan brıtandyq Kadzýo Isıgýroǵa berildi. Ol «kóp kóńil-kúı kúshteri bar romandarynda adamdy álemmen baılanystyratyn eles sezimimizdi tartyp ketetin tuńǵıyqty ashty». Bul týraly reseılik TASS agenttigi Shved akademııasynyń turaqty hatshysy Sara Danıýsqa silteme jasap habarlady.

Alfred Nobeldiń (1833-1896 jj.) ósıetine sáıkes, bul saladaǵy syılyq «ıdealıstik baǵyttaǵy úzdik ádebı týyndynyń» avtoryna berilýi tıis.
Ótken jyly ádebıetten Nobel syılyǵyn amerıkalyq aqyn jáne mýzykant Bob Dılan alǵan bolatyn.