Ádebıetshiler arasynda «Altyn tobylǵy» baıqaýy jarııalandy
«Altyn tobylǵy» ádebı júldesin berý maqsaty qazirgi zamanǵy qazaq ádebıetin damytý jáne nasıhattaýǵa kómek kórsetý bolyp tabylady. Júldeniń uıymdastyrýshysy jáne quryltaıshysy Qazaqstan Respýblıkasy Tuńǵysh Prezıdenti - Elbasynyń Qory bolyp tabylady.
Júlde konkýrstyq negizde kelesi nomınatsııalar boıynsha beriledi: «Jyldyń úzdik prozasy»; «Jyldyń úzdik poezııasy»; «Jyldyń úzdik dramatýrgııasy»; «Jyldyń úzdik balalar ádebıeti»; Elbasy N.Á.Nazarbaevtyń «Máńgilik el» ıdeıasyna arnalǵan úzdik shyǵarma»;
Jeńimpazdarǵa «Altyn tobylǵy» ádebıet júldesiniń laýreaty ataǵy jáne 1 mıllıon teńge mólsherinde aqshalaı syılyq beriledi. Al «Máńgilik el» nomınatsııasy boıynsha jeńimpazǵa 1,5 mıllıon teńge mólsherinde arnaıy júlde taǵaıyndalady.
Konkýrstyq jumystardy usyný merzimi 2015 jylǵy 1 shildeden bastap 1 qarashaǵa deıina, qortynydysy 2015 jylǵy jeltoqsannyń birinshi onkúndiginde júzege asyrylady. Konkýrsqa 18 jastan bastap 35 jasqa deıingi jas ádebıetshilerdiń qazaq jáne orys tilderindegi shyǵarmalary qabyldanady. Avtor eki nomınatsııa boıynsha qatysa alady.
Ótinim poshta arqyly kelesi mekenjaıǵa: 010018, Astana qalasy, Eńbekshiler kóshesi, 10, Qazaqstan Respýblıkasy Tuńǵysh Prezıdenti - Elbasynyń Qory, sondaı-aq elektrondyq at2015@fpp.kz. mekenjaıyna jiberiledi.
Qoljazbalardy jáne jeńimpazdardy (laýreattardy) baǵalaýdy Qazaqstannyń belgili jazýshylary men aqyndarynan, sondaı-aq keminde 7 músheden turatyn júlde quryltaıshysynyń jáne áriptesteriniń, baspa qyzmetiniń ókilderinen quratyn konkýrstyń qazylar alqasy júzege asyrady.