Ádebıet boıynsha Nobel syılyǵy norveg jazýshysy ıÝn Fossege buıyrdy

<p>Nobel komıteti ádebıet boıynsha marapatty shyǵarmalarynda sóıleý quqyǵynan aıyrylǵan adamdardyń daýysyna erekshe nazar aýdaratyny úshin norveg avtory ıÝn Fossege berdi. QazAqparat bul týraly <a href="https://www.bbc.com/russian/articles/cg30l48g374o" target="_blank" rel="noopener">VVS</a>-ge silteme jasap habarlaıdy.&nbsp;</p>

Fosse — qazirgi zamandaǵy eń tanymal jáne Eýropa teatrlarynda eń suranysqa ıe dramatýrgterdiń biri.

Teatr sarapshylarynyń sózinshe, Fosse shyǵarmalarynyń sıýjetin keıipkerlerdiń kúshine emes, ózine senimsizdigi, ólimnen qorqýy, óz kúshine kúmándanýy syndy álsiz tustaryna negizdep qurady.

Sol sebepti de onyń pesalary tanymal.

Bul kúmánniń bári adamdarǵa tanys, osy jaǵdaı Fosseni suranysqa ıe avtor etti, dedi shved akademııasynyń ókilderi jeńimpazdy anyqtaý saltanatynyń syrtynda.

ıÝn Fosse alǵash 1983 jyly «Qyzyl, qara» romanyn jazdy, al onyń eń alǵashqy «Biz eshqashan aıyrylyspaımyz» pesasy 1994 jyly jaryq kórdi.

Onyń dramatýrg retinde tanymal jumystarynyń qatarynda «Jazdyń bir kúninde» (1998), «Ólim taqyrybynyń túrleri» (2001), «Men — jel» (2007) jáne basqalary bar.

Eń tanymal romandary — «Tań, kesh», «Uıqysyzdyq» jáne basqasy.

Bıylǵy úmitkerler qatarynda Salman Rýshdı, Harýkı Mýrakamı jáne Margaret Etvýd syndy tanymal jazýshylar da boldy.

Olardyń bári ádebıet boıynsha bedeldi marapat ıeleri.

Rýshdı men Etvýd syılyqtarynyń qatarynda Býker premııasy da bar. Etvýd tipti ony eki ret jeńip alǵan.

Fosseniń aty da úzdikter qatarynda aıtylǵanymen, synshylar Den Sıaohýa degen laqap atpen jazatyn qytaı jazýshysy Tsan Sıýe jeńedi dep boljady.

Synshylardyń aıtýynsha, onyń shyǵarmalarynda álem men Qytaıdaǵy XX ǵasyrdyń týrbýlenttigi ǵajap sıpattalǵan.