Adamzatqa qaýip tónip tur - BUU

NUR-SULTAN. QazAqparat - Birikken Ulttar Uıymy adamzatqa qaýip tónip turǵanyn habarlady. Naqtyraq aıtsaq, adamzat Jerdegi tabıǵı ómirden aıyrylyp qalýy múmkin. The Guardian basylymynyń jazýynsha, BUU baıandamasynda ǵalymdar Jer betindegi bir mıllıon túrdiń joıylý qaýpi baryn aıtqan.

«Ǵalymdar Jerdegi tabıǵı ómir júıesi azaıyp bara jatqandyqtan adamzatqa qaýip tónip turǵanyn habarlady. BUU jahandyq baıandamasyna sensek, ormandar men basqa da tabıǵat júıeleriniń buzylýy sońǵy on mıllıon jylǵa qaraǵanda tabıǵatty júzdegen ese jyldamdyqpen qurtyp jatyr», dep jazady avtor.

Onyń jazýynsha, búginde tabıǵı ekojúıelerdiń jartysy, jabaıy sútqorektilerdiń 82%-y joıylyp ketken. Taǵy bir mıllıon túr joıylý aldynda tur.

«Buǵan adamdar áser etken. Úsh jyl boıy júrgizilgen zertteýge 450 ǵalym men dıplomat qatysqan. Baıandama avtorlary osy ózgerister saldarynan taza sý azaıyp, klımattyń turaqsyzdyǵy arta túsedi» dep jazady avtor.

«Adamdar táýeldi ekojúıelerge de bizdiń qoldaýymyz kerek. Adamdar óz qolymen ekonomıka, qaýipsizdik, densaýlyq pen ómir sapasyna keri áser etip jatyr» deıdi avtor.

Onyń jazýynsha, baıandamada Jer sharynyń tórtten úshi fermaǵa aınalǵany, nemese beton quıylyp, basqa da qajettilikterge qaraı ózgertilgeni aıtylǵan.