Adamnyń mádenı ómirin mýzeısiz elestetý múmkin emes – Aıda Balaeva
«Qurmetti dostar! Búgin — Halyqaralyq mýzeıler kúni. Bul mereke 1978 jyly Halyqaralyq mýzeıler keńesiniń HІІ Bas Assambleıasynyń sheshimimen belgilendi.Merekeni jyl saıyn 150-den astam elde, ártúrli mádenıet pen halyqtar murasyn qasterlep, ony kópshilikke nasıhat etip júrgen mýzeı mamandary atap ótedi.Murajaılar bizdiń jadymyz ben tarıhymyz ǵana emes, bul adamzat mádenıetiniń, danalyǵy men biliminiń qoımasy», — dep jazdy Facebook áleýmettik jelisine.
Mınıstr adamnyń mádenı ómirin mýzeısiz elestetý múmkin emes. Bul tulǵanyń rýhanı damýy úshin asa mańyzdy ekenin atap ótti.
«Qazaqstanda 271 mýzeı jumys isteıdi, onyń 17-si „respýblıkalyq“ mártebege ıe.2023 jyly „Áziret-Sultan“ memlekettik tarıhı-mádenı murajaı-qoryǵyna „Ulttyq“ mártebe berildi. Elimizdegi QR Ortalyq memlekettik mýzeıi men QR Ulttyq mýzeıi tarıhı-mádenı murany saqtaý, ony nasıhattaý boıynsha aýqymdy jumystar istep otyr. Qazaqstan tarıhy men mádenıeti salasynda irgeli ǵylymı zertteýlerdi júzege asyryp keledi.Ortalyq memlekettik mýzeı qorynda 272 myńǵa jýyq eksponat bar, onyń 28154-i ulttyq mádenı mura tizilimine engen. Al Qazaqstan Respýblıkasynyń Ulttyq mýzeıine bıyl 10 jyl tolady.Onyń qorynda 220 myńnan astam eksponat bar. Artefaktiler arasynda paleontologııa, arheologııa, qarý-jaraqtar, nýmızmatıka, altyn jáne asyl metaldar, sándik jáne beıneleý óneri kollektsııalary bar», — dedi mınıstr.
Mınıstrdiń sózinshe, Ulttyq mýzeı — elordanyń halyq eń kóp keletin mádenı nysandardyń biri. Ashylǵannan beri oǵan 4 mıllıonnan astam adam, onyń ishinde shet memleketter men úkimet basshylary, álemniń jetekshi kompanııalary men uıymdarynyń ókilderi kelgen.
«Elimizdiń mádenı murasy men rýhanı qundylyqtarynyń saqtaýshysyna aınalǵan barsha mýzeı mamandaryn merekemen quttyqtaımyn! Sizderdiń qajyrly qyzmetterińiz bárimiz úshin óte mańyzdy jáne bizdiń qoǵamdy úlken ózgeristerge jeteleıdi.Sizder elimizdiń biregeı ári qaıtalanbas tarıhynnan syr shertetin eń qundy baılyǵyn keleshek urpaq úshin saqtap kelesizder.Sizderge tolaıym tabys, sarqylmas kúsh-jiger men mol ıgilik tileımin», — dep jetkizdi tilegin mınıstr.