Adamı kapıtal - bilim ekonomıkasyn damytý negizi - AEF sessııasy

ASTANA. 20 mamyr. QazAqparat - QR Ekonomıka jáne bıýdjettik josparlaý mınıstrligi jáne «Ekonomıkalyq zertteýler ınstıtýty» AQ 2013 jyldyń 23 mamyrynda VI Astana ekonomıkalyq forýmy sheńberinde adamı kapıtaldy damytý jáne básekeles saıasatty qalyptastyrý problemalarymen aınalysatyn

memlekettik organdar ókilderiniń, ekonomıst-ǵalymdardyń, shetel jáne ulttyq sarapshylardyń qatysýymen «Adamı kapıtal - bilim ekonomıkasyn damytý negizi» taqyrybyna arnalǵan sessııany ótkizedi. Bul týraly Ekonomıka jáne bıýdjettik josparlaý mınıstrliginiń baspasóz qyzmetinen habarlandy.

«Qazirgi ýaqyt realııinde ulttyq ekonomıkalardyń básekege qabilettiligin arttyrý talaby jańa format - «bilim ekonomıkasyna» aýysýǵa nazaryn kúsheıtedi. «Bilim ekonomıkasyn» qalyptastyrý men damytýdyń basty faktory kreatıvtik jáne ınnovatsııalyq adamı kapıtal bolyp tabylady. Adamı kapıtaldy tańdaý eńbek ónimdiligin, ómir súrý deńgeıin, bilim berý sapasyn, densaýlyq saqtaýdy, demalý salasy men mádenıetti arttyrýǵa negizdelgen ulttyq saıasattyń jańa prıntsıpterin qurý qajettiligin aıqyndaıdy. Adamı kapıtaldy damytý sheńberinde «teń múmkindikter» saıasatyn iske asyrý, kásibı bilim men daǵdylardy damytý jáne ómir boıy biliktiligin arttyrý retinde «ekinshi múmkindikti» usyný mańyzdy bolyp tabylady», delingen baspasóz baıanynda.

Bul rette memleket pen qoǵamnyń ózara áreketiniń basym baǵyttaryn qalyptastyrý, Qazaqstan Respýblıkasynyń Konstıtýtsııasymen anyqtalǵan memlekettik kepildikterdiń iske asyrylýyn qamtamasyz ete otyryp, eń tómen áleýmettik standarttardy engizý qajettiligi atalyp ótiledi. Al memlekettik standarttar júıesin engizý adamı kapıtaldy damytýǵa, «bilim ekonomıkasyn» qurýǵa baǵyttalǵan ınvestıtsııalar kólemi men sapasyna qoıylatyn talaptardy qalyptastyrý jolynda bastama bolýy tıis.

Osy turǵydan alǵanda paneldy sessııanyń maqsaty adamı resýrstardy damytý boıynsha halyqaralyq tájirıbeni zertteý, adamı kapıtaldyń ekonomıkalyq ósýge yqpalyn anyqtaý jáne elderdiń básekege qabilettiligi men problemalardy aıqyndaý bolyp tabylady. Memlekettik organdar, korporatsııalar, bıznes jáne ǵylymı qaýymdastyq ókilderin strategııalyq seriktestik jáne ózara áreket týraly dıalogqa tartý kózdeledi.

Sessııada birqatar ózekti máseleler talqylanatyn bolady. Atap aıtsaq, áleýmettik saıasattyń jańa úlgisi baǵytynda:

Memlekettiń áleýmettik úlgisi jáne áleýmettik tutastyq;

Barlyǵyna arnalǵan teń múmkindikter: jaǵdaı úshin emes, tańdaý úshin jaýapty bolý;

Memlekettik áleýmettik standarttar júıesi: ekonomıkalyq jáne áleýmettik tıimdilik shekaralaryn izdeý;

Áleýmettik kepildikter, áleýmettik normalar jáne normatıvter: nysanaly óris, ólsheý jáne bıýdjettik qamtamasyz etilý;

Áleýmettik ıntegratsııa jáne ult shoǵyrlanýy: jahandyq daǵdarys kezeńindegi jańa talaptar» taqyryby qarastyrylady.

Al «Bilim ekonomıkasyndaǵy» adamı resýrstardyń jańa sapasy baǵytynda:

«Áleýmettik ınnovatsııalar: izdeý jáne paıdalaný tıimdiligi;

Postındýstrııalyq ekonomıkada jumyspen qamtýdyń ınnovatsııalyq nysandary;

Jańa turpatty jumysshylar matrıtsasy: joǵary jumyldyrý men ámbebaptylyq, beıimdelý jáne ınnovatsııalylyq;

Eńbek naryǵyndaǵy jańa urpaq: ınnovatsııalar men kásipkerlikke yntalandyrý;

Memlekettik áleýmettik qorǵaý úlgisinen memlekettiń joǵary ómir sapasy úlgisine qaraı» taqyryptary talqyǵa shyǵarylady.