Adamǵa kózi tirisinde qandaı jaǵdaıda eskertkish qoıylady – Mınıstrlik jańa norma ázirlep jatyr

<p>ASTANA. KAZINFORM &ndash; Mádenıet jáne aqparat mınıstrligi monýmenttik óner qurylystaryn ornatý qaǵıdalaryna ózgertý engizbekshi.</p>

«Qurylys memleket táýelsizdigin nyǵaıtýǵa qosqan, qaharmandyq pen erlik kórsetken erekshe jaǵdaılardy qospaǵanda, asa kórnekti tulǵalar qaıtys bolǵan jáne (nemese) tarıhı oqıǵalar bolǵan kúnnen bastap bes jyldan erte qaralmaıdy», - ashyq talqylaýǵa shyǵarylǵan dep jazylǵan buıryq jobasynda.

Sondaı-aq, jeke adamǵa arnalǵan eskertkishti memlekettik organ ornatsa, jurt emin-erkin kire alatyn orynǵa qoıylý kerektigi aıtylǵan.

«Jergilikti atqarýshy organdardyń monýmenttik óner qurylystaryn ornatýy bıýdjet jáne bıýdjetten tys qarajat esebinen júzege asyrylady. Monýmenttik óner qurylystary Respýblıkalyq onomastıka komıssııasy bekitken tarıhı tulǵalar tiziminde kórnekti tulǵanyń bolýyn eskere otyryp ornatylady. Qurylystyń jurtshylyqqa qoljetimdiligin qamtamasyz etý maqsatynda jeke uıymdardyń aýmaqtarynda jáne jekelegen menshik ıeleri men paıdalanýshylarǵa tıesili ýchaskelerde qurylysty ornatýǵa jol berilmeıdi», - delingen qujatta.