Adamdardyń alǵysy polıtsııa qyzmetkerine rýh beredi - ıÝrıı Hon
Aqtóbe oblystyq Іshki ister departamenti Jergilikti polıtsııa qyzmeti tabıǵatty qorǵaý polıtsııasynyń bólim bastyǵy ıÝrıı Hon Qaraǵandy oblysynyń Qarajal qalasynda dúnıege kelgen. Ákesi Borıs Hon QR Atom salasynyń eńbegi sińgen qyzmetkeri, energetık boldy. Al anasy kásipodaqta jumys istedi. Bala kezden súıispenshilik pen meıirimdilikti boıǵa daryta bilgen ıÝrıı Hon jumystan qashpady. Adal eńbek adamdy shyńdap, jigerlendiretinin ákesi men anasynan kórip úırendi, solaı erjetti. Al ájesi únemi qazaq halqyna alǵys aıtyp, qıyn kezde baýyryna basqan elge rızashylyǵyn bildirip otyrady eken.
«Ájem qazaq jerine alǵash kelgen jyldaryn jıi aıtyp otyratyn. Qazaq halqy deportatsııalanǵan koreı halqyna bir úzim nanyn bólip berip, úıine panalatty. Bul bizdiń ótkenimiz, tarıhymyz. Al keıin bizdiń otbasy Qyzylorda oblysy, Shıeli aýdanyna qonys aýdardy. Sol jerde ósip, mektep bitirdim. Kýálikti qolǵa alǵan boıda Tomsk medıtsınalyq ýchılışesine qujat tapsyryp, adam ómirine arasha bolýdy qaladym. Keıin Otan aldyndaǵy boryshymdy óteý paryz dep ásker qataryna alyndym. Azamattyq boryshymdy ótegen soń Aqtóbe memlekettik medıtsınalyq ınstıtýtyna qujat tapsyryp, sol jerde jubaıym Aqmaralmen tanystym. Úılendim, medıtsınalyq oqýdy emes, otbasymdy oılap, jumys isteýge sheshim qabyldadym. Sol kezde ishki ister organynda jumys istegen aǵam Vıacheslav Kım meniń tabandylyǵym men ójettigimdi kórip, polıtsııa qyzmetkeri bolýǵa keńes berdi. Mine, sodan beri 20 jyldan astam ýaqyt ótti», - dedi ıÝrıı Hon.
ıÝrıı men Aqmaral Honnyń eki balasy bar. Úlkeni Seýlde zańgerlik mamandyqty meńgerip, Aqtóbe oblystyq advokattar keńesinde tájirıbeden ótti. Al kishkentaıy Insan eki jasta. Zerek bala sandardy qazaq, orys, aǵylshyn tilinde aıtyp, úsh tildiń álipbıin meńgerip júr. Eki balanyń ákesi ıÝrıı Hon kóbine jumysta júredi. Ásirese, meıram kúnderi turǵyndardyń tynyshtyǵy men qaýipsizdigin qamtamasyz etedi.
«Eńbek jolymdy patrýldik polıtsııa qyzmetkeri bolyp bastadym. Jumys qıyn ári jaýapty. Kúndiz-túni dalada júrip, qoǵamdyq oryndardaǵy tártipti baqylaımyz. Kezekshilik kezinde kelesi kóshede, bálkim kelesi úıde meniń kómegime muqtaj adam bolýy múmkin dep eleńdep, óte saq júremin. Bul polıtsııa qyzmetkeri úshin kerek qasıet. Sebebi, biz der kezinde oqıǵa ornyna jetip, kómek berýimiz kerek. Sonymen qatar, polıtsııa qyzmetkeri sportpen shuǵyldanýy tıis. Men karate, kıkboksıng sekildi jekpe-jek túrlerimen aınalysamyn. Zańdardy oqyp, meńgerip, kúdiktilerdi ustaý ádisin úırený, asa qaýipti aımaqtardy anyqtaý, jedel ustaý sharasyn júrgizý bizdiń mindetimiz. Jumys istep júrgen jyldary qaraqshylyq, tonaý, urlyq, buzaqylyq, esirtki zattaryn zańsyz tasymaldaý, sýyq qarýdy zańsyz alyp júrý, avtokólikti aıdap ketý oqıǵalary tirkeldi. Sonymen qatar, Aqtóbe oblysy Temir aýdany, Mańǵystaý oblysyndaǵy Jańaózen, Shetpedegi arnaıy operatsııalarǵa qatystym. Men adam ómirin qutqarýdy eń úlken jetistikterim dep aıta alamyn. Olardy ottan, sýdan, qumnyń arasynan alyp shyǵyp, alǵys aldym. Adamdardyń alǵysy polıtsııa qyzmetkerine rýh beredi», - dedi ıÝrıı Hon.
Polıtsııa qyzmetkeri «Qazaqstannyń 100 jańa esimi» jobasyna enip, ekinshi kezeńge ótkenin kesh bilgen. Іri kásiporyn jetekshisi, metsenat, ǵylymı joba jetekshisi emes, qarapaıym polıtsııa qyzmetkeriniń qatarǵa engeni ony tańqaldyrdy ári erekshe qýanyshqa bóledi. Ol eńbeginiń elenip, kún men túndi talǵamaıtyn jumysynyń ataýsyz qalmaǵanyna rızashylyǵyn bildirdi.
«Adamdarǵa kómektesý, qurqarý, qaýipsizdikti qamtamasyz etý bul bizdiń kúndelikti jumysymyz. Bir oqıǵa erekshe esimdi qaldy. Qys aıynda ýchaskelik ınspektor Aleksandr Bakshanovpen birge kezekshilikke shyǵyp, Elek ózeniniń jaǵasyn baqylaýǵa alǵan bolatynbyz. Sol kezde eki adam arnaıy orynǵa sýǵa túsip júrdi, bireýi ózendi kesip ótpek boldy. Sýǵa túsip júrgen adamdarǵa tańdaǵan jerdiń qaýipti ekenin eskertip, keıin shegindik. Sol kezde bireýi muzǵa qulap, sýǵa túsip ketti. Ony qutqaryp, kólikke mingizip aldyq. Taǵy bir daýys shyǵyp, aıqaı estildi. Ózendi kesip ótpek bolǵan adam sýǵa túsip ketip, jantalasyp jatyr eken. Men birden júgirip, muzdyń shytynyǵanan kórdim. Ákemniń keńesi eske túsip, birden eńbekteýge kóshtim. Muzǵa jarmasyp aıqaılap jatqan adamdy sabyrǵa shaqyryp, sý betinde qalqyp turý qajet ekenin aıttym. Ol sý astyna ketip qaldy. Sol kezde men muzdy oıyp, onyń kúrtesinen ustap, tartyp, jaǵaǵa shyǵardym. Ekeýimizge kómek kelip, kólikke otyrdy. Keıin ony úıine jetkizip saldyq. Bir kún ótken soń telefon shalyp, «Baýyrym, rahmet. Sen meniń ómirimdi saqtap qaldyń» dep aıtty. Keýdemdi qýanysh kernedi», - dedi ol.
ıÝrıı Hon Elbasy Nursultan Nazarbaevpen kezdesýge de bardy. Memleket basshysy «Qazaqstannyń 100 jańa esimi» jobasyna engen ár sala mamandarymen tildesip, árqaısysymen jeke sóılesti, bolashaq josparyn bildi. Bul jolda polıtsııa qyzmetkeri ıÝrıı Honnyń maqsaty aıqyn, baǵyty anyq. Ol jumysyn ári qaraı jalǵastyryp, eldiń tynyshtyǵyn kúzetpek. Quqyq qorǵaýshy ár adam óz salasynyń naǵyz mamany bolǵanda ǵana el damıdy, bolashaǵy jarqyn bolady degen senimde.