Adamdardy blokpostan ótkizý úshin para alǵan ákimdik qyzmetkeri sottaldy
17:46, 21 Mamyr 2020
NUR-SULTAN. QazAqparat - Almatyda blokposttan azamattardy kedergisiz ótkizgen ákimdik qyzmetkeri sottaldy. Bul týraly QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat tilshisi.
«2020 jyldyń 13 mamyrynda Almaty qalasy Jetisý aýdandyq №2 sotynyń úkimimen Almaty qalasy turǵyndarynan «Aşybulaq» sheńberindegi №11 blokpost arqyly kedergisiz arly-berli ótýleri úshin birneshe márte jalpy somasy 380 myń teńgeden asatyn parany alǵany úshin Almaty qalasy Jetisý aýdandyq ákimi apparaty memlekettik-quqyqtyq bóliminyń bas mamany S.Orazov sottaldy», - delingen vedomstvo aqparatynda.
Agenttik málimetinshe, sot úkimimen oǵan 13 mln 300 myń teńge aıyppul salyndy.
Sonymen qatar ol memlekettik qyzmette laýazym atqarý quqyǵynan ómir boıyna aıyryldy.