Adamdar 30 jastan keıin ǵana eseıedi - zertteý

<p>Ǵalymdar júrgizgen zertteý adamdar 30 jastan asqan soń ǵana eseıetinin kórsetti, dep habarlaıdy QazAqparat <a href="https://www.ladbible.com/news/science/scientists-say-people-dont-become-adults-until-they-hit-their-30s-886979-20230922" target="_blank" rel="noopener">Ladbible basylymyna</a> silteme jasap.</p>

Neırobıolog mamandardyń pikirinshe, 18 jastaǵy  adam tolyqqandy eresek adam emes, óıtkeni onyń mıy osy jastan keıin de aıtarlyqtaı ózgeristerge ushyraıdy.
Kembrıdj ýnıversıtetiniń professory Pıter Djonstyń BBC-ge baıandaýynsha, balalyq shaqtan eresek ómirge ótý biz oılaǵannan áldeqaıda kúrdeli.
Djons jáne onyń áriptesteri óz zertteýlerinde 14 pen 24 jas aralyǵyndaǵy 297 eriktiniń mıyn baqylaý úshin MRT qoldanyp, sol arqyly 18 jastan keıin mıdyń áli de damyp jetiletinin anyqtady.
Djonstyń shamalaýynsha, jasóspirimderge «eresek» retinde qaraý áleýmettik sebeptermen ǵana «yńǵaıly». Degenmen, ol tájirıbeli qylmystyq sýdıalar 19 jastaǵy sottalýshy men 30 jastan asqan qylmysker arasyndaǵy aıyrmashylyqty túsinetinin aıtty.
“Balalyq shaq, odan keıin birden eresektik degen uǵym joq. Adamdar qozǵalysta, olar traektorııada», - dedi ol.