«Adam saýdasyna qarsy is-qımyl» zańy kópshiliktiń talqylaýyna shyǵaryldy

ASTANA. QazAqparat – Іshki ister mınıstrligi «Qazaqstan Respýblıkasynda adam saýdasyna qarsy is-qımyl týraly» QR Zańyn ashyq talqyǵa shyǵardy, dep habarlaıdy QazAqparat tilshisi.

Qujatta kórsetilgendeı, atalǵan zań adam saýdasyna qarsy is-qımyl salasyndaǵy qoǵamdyq qatynastardy retteıdi jáne osy saladaǵy memlekettik saıasatty iske asyrýǵa baǵyttalǵan.

«Zańnyń kúshi QR azamattaryna, qandastarǵa, sondaı-aq QR aýmaǵynda turaqty turatyn ne ýaqytsha bolatyn sheteldikter men azamattyǵy joq adamdarǵa, QR aýmaǵynda adam saýdasynyń qurbany retinde anyqtalǵan jáne sáıkestendirilgen adamdarǵa qoldanylady», - delingen «Ashyq» NQA portalynda jarııalanǵan qujatta.

Zańnyń mindetteri – adam saýdasyna baılanysty qylmystarǵa qarsy is-qımyldyń biryńǵaı júıesiniń qyzmetin uıymdastyrý, qurbandarǵa kómek kórsetý jáne olardyń qaýipsizdigi men jeke ómiriniń qupııalylyǵyn qamtamasyz etý. Sonymen qatar, mindetterdiń biri - adam saýdasymen baılanysty qylmystardyń aldyn alý, jolyn kesý.

Málim bolǵandaı, atalǵan zańda kámeletke tolmaǵandar arasyndaǵy adam saýdasynyń aldyn alýǵa asa mán berilgen. ıAǵnı, bul maqsatta jasóspirimderge aqparattyq-túsindirý jumystary kúsheıtiledi. Buǵan qosa, tárbıe mekemelerine adam saýdasyna qarsy is-qımyl jónindegi arnaıy baǵdarlama ázirlenbek.

Zańdy ashyq talqylaý 27 aqpanǵa deıin jalǵasady.