Adam saýdasymen baılanysty qaýip Qazaqstanda da etek alyp keledi

;ASTANA. Tamyzdyń 23-i. QazAqparat /Aıdar Ospanalıev/ - Adam saýdasyna qatysty qaýip Qazaqstanda da etek alyp keledi. Bul týraly búgin Astanada ótken Halyqaralyq adam saýdasy qurbandaryn eske alý kúnine arnalǵan baspasóz máslıhatynda «Daǵdarys ortalyqtary odaǵy» zańdy tulǵalar birlestiginiń Basqarma tóraıymy Zúlfııa Baısaqova málim etti.

«Ókinishke oraı, adamdardy erkinen tys jumysqa paıdalaný jaǵdaılary eldiń óz ishinde de qalyptasty. Biz búgingi Halyqaralyq adam saýdasy qurbandaryn eske alý kúninde quldyqta mert bolǵan azamattardy bir ýaqyt eske alyp, qoǵam nazaryn osy bir ózekti de kúrdeli máselege aýdarýdy jón sanap otyrmyz», dedi Z.Baısaqova.

Onyń sózine qaraǵanda, Qazaqstan Eýropadaǵy qaýipsizdik jáne yntymaqtastyq uıymynyń tóraǵasy retinde adam saýdasy men balalardy saýdalaýdy toqtatýǵa kóp kúsh salyp otyr. «Desek te,

osy bir zulym árekettiń nysanyna aınalǵan azamattar bizde de jetkilikti. Sondyqtan azamattar adam saýdasy, qulǵa aınaldyrý áreketteri jóninde qandaı da bir aqparattardan habardar bolsa, ony quzyrly organdarǵa habarlap otyrǵandary jón», dedi Basqarma tóraıymy.

Onyń sózine qaraǵanda, adam saýdasyna qatysty faktiler dáleldenbeı qalatyn kezderi de bolady. Soǵan qaramastan, mundaı áreketterden quzyrly organdar habardar bolyp otyrǵany durys. «Tamyzdyń 23-i - BUU-nyń kúntizbesi boıynsha Halyqaralyq adam saýdasy qurbandaryn eske alý kúni. Sondyqtan «Daǵdarys ortalyqtary odaǵy» zańdy tulǵalar birlestigi, Іshki ister mınıstrliginiń Krımınaldyq polıtsııa komıteti, Halyqaralyq kóshi-qon uıymynyń qoldaýymen Almaty men Astana qalalarynda búgin «Adam saýdasyna toqtaý salaıyq» atty aktsııa uıymdastyrýda», dedi Z.Baısaqova.