Adam saýdasy, jezókshelikke májbúrleý: ІІM 87 is boıynsha sotqa deıingi tergeý júrgizýde
Keńeske Joǵarǵy Sot, Bas prokýratýra, Ulttyq qaýipsizdik komıteti, QR Qarjy monıtorıngi agenttigi, 8 mınıstrlik, QR Prezıdenti janyndaǵy Adam quqyqtary jónindegi komıssııa, Adam quqyqtary jónindegi ulttyq ortalyq, jergilikti atqarýshy organdar men ÚEU ókilderi qatysty.
QR Úkimetiniń Adam saýdasyna baılanysty qylmystardyń aldyn alý, boldyrmaý jáne olarǵa qarsy kúres jónindegi 2021 – 2023 jyldarǵa arnalǵan is-sharalar josparynyń oryndalý barysy týraly otyrysqa qatysýshylardy Eńbekmıni áleýmettik qyzmetter saıasatyn damytý departamentiniń dırektory Albına Boranbaıqyzy habardar etti.
«Aǵymdaǵy jylǵy 26 mamyrda ótken VAK-tyń 40-otyrysynyń qorytyndysy boıynsha adam saýdasyna qarsy is-qımyl salasyndaǵy normatıvtik quqyqtyq aktilerdi jetildirý sheńberinde QR Áleýmettik kodeksiniń tujyrymdamasyna Qazaqstan aýmaǵynda ýaqytsha bolatyn sheteldik adam saýdasynyń qurbandaryna arnaýly áleýmettik qyzmetter kórsetýdi qarastyratyn norma engizildi. Qazirgi ýaqytta bul norma memlekettik organdarmen kelisýden ótýde», – dedi Albına Boranbaıqyzy.
Ol sondaı-aq VAK-tyń 40-otyrysynda barlyq óńirlerdiń ákimdikterine aǵymdaǵy jylǵy 14 maýsymǵa deıingi merzimde óńirlik komıssııalardyń otyrystaryn ótkizý tapsyrylǵanyn atap ótti. Alaıda, birinshi jartyjyldyqtyń qorytyndysy boıynsha óńirlik komıssııalar ShQO, Jambyl, Mańǵystaý jáne Pavlodar oblystarynda ótkizilmedi.
«Keshendi, birlesken nemese kelisilgen vedomstvoaralyq, profılaktıkalyq jáne jedel-izdestirý is-sharalaryn júrgizý sheńberinde naýryz jáne maýsym aılarynda ishki ister organdary respýblıka aýmaǵynda «STOP trafık» jedel-aldyn alý is-sharalaryn júrgizdi. Olardyń qorytyndysy boıynsha ІІM aýmaqtyq bólimsheleri Qylmystyq kodekstiń túrli baptary boıynsha 87 sotqa deıingi tergeýdi bastady (qanaý maqsatynda adam urlaý, qanaý maqsatynda bas bostandyǵynan zańsyz aıyrý, kámeletke tolmaǵandy jezókshelikpen aınalysýǵa tartý, kámeletke tolmaǵandardy saýdaǵa salý, jezókshelikpen aınalysýǵa tartý, jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq)», – dep tolyqtyrdy Eńbekmıni Áleýmettik qyzmetter saıasatyn damytý departamentiniń dırektory.
Budan basqa, otyrysta Qazaqstan aýmaǵynda ýaqytsha turatyn sheteldikterge jáne adam saýdasynyń qurbany bolǵan azamattyǵy joq adamdarǵa arnaýly áleýmettik qyzmetter (Budan ári – AÁQ) kórsetý bóliginde qoldanystaǵy zańnamaǵa ózgerister men tolyqtyrýlar engizý máseleleri qaraldy.
Osyǵan baılanysty Eńbekmıni 9 zańnamalyq aktige:
- QR azamattarymen teń dárejede tegin medıtsınalyq kómektiń kepildik berilgen kólemin;
- quqyqtyq konsýltatsııa berý, sondaı-aq sottarda, qylmystyq qýdalaý organdarynda, ózge de memlekettik organdar men memlekettik emes uıymdarda múddelerdi qorǵaý jáne bildirý túrindegi memleket kepildik bergen zań kómegin;
- bastaýysh, negizgi orta jáne jalpy orta bilim;
- arnaýly áleýmettik qyzmetterdiń kepildik berilgen kólemin;
- jumyspen qamtýǵa járdemdesýdiń belsendi sharalary - jańa kásibı bilim, jumysqa ornalasý sharasyn jáne t. b. alýǵa quqyq berý bóliginde túzetýler engizýdi talap etetin usynystar daıyndady.
«Zańnamaǵa usynylǵan túzetýler barlyq múddeli memlekettik organdarmen talqylanyp, qoldaý tapty. Bul normalar sheteldik adam saýdasynyń qurbandaryna kórsetiletin kómek kólemine teń dárejede qol jetkizýge múmkindik beredi, olardyń tergeý men qylmystyq qýdalaýǵa tartylýyna qaramastan, áleýmettik kómek kórsetýdi qamtamasyz etýge múmkindik beredi», – dep atap ótti Eńbekmıni Áleýmettik qyzmetter saıasatyn damytý departamentiniń dırektory.
Otyrys qorytyndysy boıynsha VAK:
- memlekettik organdar men oblystardyń, Almaty, Nur-Sultan, Shymkent qalalarynyń ákimdikterine Qazaqstan Respýblıkasy Úkimetiniń Adam saýdasyna baılanysty qylmystyń aldyn alý, jolyn kesý jáne oǵan qarsy kúres jónindegi 2021 – 2023 jyldarǵa arnalǵan is-sharalar josparynyń ýaqtyly jáne sapaly oryndalýyn qamtamasyz etýdi;
- memlekettik organdarǵa «Qazaqstan Respýblıkasynyń keıbir zańnamalyq aktilerine múgedek adamdardyń ómir súrý sapasyn jaqsartý máseleleri boıynsha ózgerister men tolyqtyrýlar engizý týraly» zań jobasyn QR aýmaǵynda ýaqytsha turatyn sheteldikterge jáne adam saýdasynyń qurbandary bolǵan azamattyǵy joq adamdarǵa SSB berý bóliginde kelisý protsesin jedeldetýdi;
- oblystardyń, Almaty, Nur-Sultan, Shymkent qalalarynyń ákimdikterine osy jyldyń ekinshi jartyjyldyǵynda adamdardy zańsyz áketýge, ákelýge jáne satýǵa qarsy kúres máseleleri jónindegi óńirlik komıssııa ótkizýdi usyndy.
Esterińizge sala keteıik, ózara is-qımyldy úılestirý úshin VAK-qa tóraǵalyq etý rotatsııalyq negizde júzege asyrylady. 2014-2015 jyldary, 2018-2019 jyldary – QR ІІM, 2016-2017 jyldary, sondaı-aq 2020-2021 jyldary – QR Eńbek mınıstrligi.