Adam saýdasy: ІІM sábılerdiń qandaı baǵaǵa satylǵanyn aıtty
12:27, 22 Mamyr 2024
<p>ASTANA. KAZINFORM – Elimizde jyl bastalǵaly úsh sábıdi saýdalaý faktisi tirkelgen. Bul týraly Qazaqstan Respýblıkasy Іshki ister mınıstriniń birinshi orynbasary Marat Qojaev málim etti. </p>
«Qylmystyq kodekstiń babynda 18 jasqa deıingi jaýapkershilik qarastyrylǵan. Ótken jyly bizde adam saýdasy boıynsha 19 fakt tirkeldi. Іsterdiń basym kópshiligi aıaqtaldy, shamamen 16-17 adam jańa týǵan náresteler saýdasy úshin jaýapqa tartyldy», - dedi Marat Qojaev Májilis alańynda BAQ ókilderiniń saýalyna jaýap bere otyryp.
Onyń aıtýynsha, bıyl elimizde náresteler saýdasy boıynsha úsh fakti tirkelgen.
«Atalǵan barlyq fakti elimizde boldy. Ár sábıdiń baǵasy 100 myń teńgeden 2 mıllıon teńgege deıin barady», - deıdi ol.
Búgin Májilis adam saýdasy men vandalızm týraly zań jobasyn ekinshi oqylymda qabyldady.