Adam óltirgen qylmysker 25 jyldan keıin ustaldy

<p>KÓKShETAÝ. KAZINFORM &ndash; Reseıde adam óltirip, 25 jyl boıy izdeýde júrgen qylmysker Aqmola oblysynda ustaldy.</p>

Aqmola oblysy PD baspasóz qyzmetiniń málimetinshe, er adamǵa 25 jyl buryn Reseı Federatsııasynyń Tomsk oblysy boıynsha ІІM Basqarmasy izdeý jarııalaǵan.

“Qazaqstan azamaty 1999 jyldyń 12 naýryzynda Tomsk qalasynda óziniń tanysyn óltirip, qashyp ketken. Keıin oǵan Reseı Federatsııasynyń Qylmystyq kodeksiniń 105-babynyń 1-bóligi (kisi óltirý) boıynsha qylmys jasady degen aıyp taǵyldy. Kúdiktiniń ornalasqan jerin birden anyqtaý múmkin bolmaǵandyqtan, Reseıdiń Tomsk oblysy boıynsha ІІM Basqarmasynyń Oktıabr aýdany boıynsha ІІM Bólimi izdeý jarııalaǵan. Er adam 25 jyl boıy jasyrynyp keldi. Jaqynda Atbasar aýdanynyń krımınaldyq polıtsııa qyzmetkerleri jedel – izdestirý is-sharalaryn júrgizý barysynda aýyldardyń birinde júrgen aýyr qylmysqa kúdikti er adamdy anyqtady”, - dedi vedomstvodan.

Aıta ketsek, budan buryn Aqmola oblysynda 26 jyl izdeýde bolǵan qylmysker ustalǵanyn jazǵan edik.