Adam óltirdi degen kúdikti Germanııadan ekstradıtsııalandy

ASTANA. QazAqparat – Germanııa Federatıvtik Respýblıkasynyń Úkimeti ózara túsinistik qaǵıdaty boıynsha Qazaqstan Respýblıkasy Bas prokýratýrasynyń adam óltirýge kúdikti azamatty ustap berý týraly suraý salýyn qanaǵattandyrdy, dep habarlaıdy QazAqparat Bas prokýratýraǵa silteme jasap.

Qylmys 2017 jyly Oral qalasyndaǵy avtoturaq aýmaǵynda jasalǵan. Janjal kezinde kúdikti jábirlenýshige 7 ret pyshaq jaraqatyn keltirip, jábirlenýshi sonyń saldarynan qaıtys bolǵan. Bul qylmysty jasaǵannan keıin kúdikti qylmystyq qýdalaý organdarynan jasyrynǵan, sol sebepti oǵan qatysty halyqaralyq izdeý jarııalandy.

Búgin Bas prokýratýranyń, Іshki ister mınıstrliginiń qyzmetkerleri Syrtqy ister mınıstrliginiń kómegimen kúdiktini qylmystyq jaýaptylyqqa tartý úshin Qazaqstanǵa ekstradıtsııalady. Qazirgi ýaqytta ol Astana qalasynyń tergeý ızolıatoryna qamaldy. Joǵaryda atalǵan qylmysty jasaǵany úshin ol 8 jyldan 15 jylǵa deıin bas bostandyǵynan aıyrylýy múmkin.

Aıta ketý kerek, Germanııanyń kezekti kúdikti adamdy Qazaqstanǵa bergeni elderimiz arasyndaǵy senimniń joǵary deńgeıin kórsetedi.