Adam quqyqtary jónindegi ulttyq ortalyqqa jańa basshy taǵaıyndaldy

ASTANA. QazAqparat - Búgin Qazaqstan Respýblıkasyndaǵy Adam quqyqtary jónindegi ýákil Asqar Shákirov Adam quqyqtary jónindegi ulttyq ortalyqtyń ujymyn onyń jańa basshysy Serik Jámekuly Ospanovpen tanystyrdy.

S.J. Ospanov 1964 jyldyń 1 shildesinde Gýrev qalasynda dúnıege keldi. 1986 jyly V.I. Lenın atyndaǵy Qazaq polıtehnıkalyq ınstıtýtyn, 2000 jyly Abaı atyndaǵy Almaty memlekettik ýnıversıtetin támamdady.

Eńbek jolyndaǵy qyzmeti 1986 jyly «Mangyshlakneft» birlestiginde bastaldy.

1992-2004 jyldar aralyǵynda Mańǵystaý oblysynyń basshy qyzmetterin atqardy. 1996 jyldan bastap 2004 jylǵa deıin Aqtaý qalasynyń ákimi, Mańǵystaý oblysy ákiminiń orynbasary boldy.

2004 jyldan bastap 2016 jylǵa deıin úsh shaqyrylymda Qazaqstan Respýblıkasy Parlamenti Májilisiniń depýtaty bolyp saılanǵan edi.

Jańa basshyny tanystyra otyryp, QR Ombýdsmeni eldiń Parlamenti men memlekettik basqarý organdarynda jumys atqarý kezinde alǵan bilimi men aıtarlyqtaı tájirıbesi oǵan ulttyq quqyq qorǵaý mekemesindegi qyzmetke belsendi kirisýge múmkindik beretinine senimin bildirdi.

Budan buryn 2002-2016 jyldar aralyǵynda Adam quqyqtary jónindegi ulttyq ortalyqty Kalıýjnyı Vıacheslav Afanasevıch basqarǵan edi.