«Adam quqyqtary jónindegi ýákil týraly» zań qabyldandy
«Zań jobasynyń maqsaty – adam quqyqtaryn iske asyrýdyń kepili retinde Adam quqyqtary jónindegi ýákildiń konstıtýtsııalyq mártebesin bekitý bóliginde Qazaqstan Respýblıkasynyń Konstıtýtsııasyna engizilgen ózgeristerdi iske asyrý. Konstıtýtsııanyń jańa 83-1-babynyń normalarymen Ýákildiń qyzmetiniń mindetteri, táýelsizdigi men ókilettikterin júzege asyrý kezinde qandaı da bir ózge memlekettik organdar men laýazymdy adamdardyń aldynda esep bermeýiniń kepildikteri bekitildi. Budan bylaı Adam quqyqtary jónindegi ýákildiń quqyqtyq jaǵdaıy men onyń qyzmetin uıymdastyrý konstıtýtsııalyq zańmen aıqyndalady», - dedi QR Ádilet mınıstri Qanat Mýsın.
Jalpy, Konstıtýtsııalyq zań 6 taraýdan jáne 23 baptan turady. Zań jobasy Ýákil qyzmetiniń maqsattary men mindetterin, onyń quqyqtyq jaǵdaıy men quzyretin ashady. Ýákildiń, onyń oblystardaǵy ókilderiniń jáne Adam quqyqtary jónindegi ulttyq ortalyqtyń qyzmetin uıymdastyrýǵa baılanysty erejeler kózdelgen.
«Qoldanystaǵy zańda kózdelmegen negizgi jańa erejelerge tolyǵyraq toqtalǵym keledi. Birinshiden, Ýákildiń quzyretin kúsheıtý eskerilgen. Konstıtýtsııa normalaryn iske asyrý maqsatynda qujatta Ýákildiń adamnyń Konstıtýtsııada bekitilgen quqyqtary men bostandyqtaryna qatysty normatıvtik quqyqtyq aktilerdiń Konstıtýtsııaǵa sáıkestigi máselesi boıynsha Konstıtýtsııalyq sotqa júginý quqyǵy kózdelgen. Sondaı-aq, basqa memleketterdiń shaqyrýy boıynsha adam quqyqtary men bostandyqtarynyń saqtalýyna baıqaýshy retinde áreket etý quqyǵyn berý usynylady.
Ýákildiń quzyretin kúsheıtý maqsatynda onyń arnaýly áleýmettik qyzmetter kórsetetin uıymdarǵa jáne qylmystyq-atqarý júıesi mekemelerine kedergisiz barý quqyǵy bekitiledi», - dedi mınıstr.
Sonymen qatar, Ýákildiń qyzmetin uıymdastyrýdyń tıimdiligin arttyrý bóliginde Zańda adam quqyqtary jónindegi Ulttyq ortalyq basshysynyń orynbasary laýazymyn engizý, sondaı-aq Ulttyq ortalyqtyń qosymsha fýnktsııalary belgilenedi.