Adam quqyqtary jónindegi ýákil Asqar Shákirov UNICEF ókilimen kezdesti

NUR-SULTAN. QazAqparat - Adam quqyqtary jónindegi ýákil Asqar Shákirov Qazaqstandaǵy BUU Balalar qorynyń (UNICEF) jańadan taǵaıyndalǵan ókili Artýr van Dızenmen kezdesti, dep habarlaıdy QazAqparat vedomstvonyń baspasóz qyzmetine silteme jasap.

Áńgime barysynda QR ombýdsmeni eń aldymen osy uıymmen birlesken jobalar aıasyndaǵy kópjyldyq jemisti yntymaqtastyqty atap ótti. Basym baǵyttar retinde balalardy kemsitýden qorǵaý, olardyń quqyqtaryn ınstıtýtsıonaldyq mekemelerde jáne kóshi-qon úderisterinde saqtaýǵa monıtorıng júrgizý máseleleri talqylandy.

Jekelegen jobalardy iske asyrý qorytyndylary boıynsha, atap aıtqanda, balalarǵa qatysty zorlyq-zombylyqty boldyrmaý boıynsha qazaqstandyq tájirıbe basqa elderde paıdalaný úshin usynylǵan.

UNICEF jańa ókili óz uıymynyń yntymaqtastyqty odan ári keńeıtýge daıyndyǵyn bildirip, ony Qazaqstan úkimeti tarapynan tujyrymdaý úshin tıisti qujatty ázirleıtini týraly habardar etti.

Kezdesýge UNICEF-tiń Qazaqstandaǵy burynǵy ókili ıÝrıı Oksamıtnyı da qatysty.