Adam quqyqtary jónindegi ortalyqqa qazaqstandyqtar qandaı máseleler boıynsha júginedi

ASTANA. QazAqparat – 2022 jyldan beri Adam quqyqtary jónindegi ulttyq ortalyqqa 807 shaǵym kelip tústi. Bul týraly Adam quqyqtary jónindegi ýákil Artýr Lastaev aıtty, dep habarlaıdy QazAqparat tilshisi.

«2022 jyldan beri Adam quqyqtary jónindegi ulttyq ortalyqqa 807 shaǵym tústi, onyń 127-si azaptaýlarǵa qatysty. Qalǵandary negizinen shaǵym avtorlaryna nemese olardyń ókilderine qatysty shyǵarylǵan sot aktilerimen kelispeý sebebine qatysty», - dedi Artýr Lastaev elordada tilshilerge bergen suhbatynda.

Osy oraıda Adam quqyqtary jónindegi ýákil ár shaǵymda kóterilgen másele tıisti memlekettik organdarmen birlese talqylanatanyn aıtty.

«Biz ár jaǵdaıda máseleniń mán-jaıyn egjeı-tegjeıli qarastyrýǵa nazar aýdaryp otyrmyz», - dedi Artýr Lastaev.

Budan buryn habarlanǵandaı, Adam quqyqtary jónindegi ýákil Qazaqstanda «shetel agentteri» týraly zańdy engizý qarastyrylmaǵynan aıtty.

Aıta keteıik, Memleket basshysy azaptaý men basqa da qatygezdiktiń aldyn alýǵa qatysty zańǵa qol qoıdy.