Adam quqyqtary jónindegi komıssııanyń jańa músheleri taǵaıyndaldy
Prezıdenttiń qaýlysymen komıssııanyń quramyna Eńbek jáne halyqty áleýmettik qorǵaý mınıstri Mádına Ábilqasymova, Kásipodaqtar federatsııasynyń tóraǵasy Baqytjan Ábdiraıym, Bas múftı Serikbaı Oraz, azaptaýǵa qarsy Ulttyq preventıvti mehanızmniń hatshysy Sáýle Mektepbaeva endi. «Búgin biz jazǵy demalystyń aldynda sońǵy otyrysty ótkizip otyrmyz. Endi, Mádına Ábilqasymova sál keshigip jatyr. Biraq baıqap qarasańyz, komıssııanyń tájirıbeli músheleri - mınıstrler keshikpeı keldi. Biz bir ret keshirimmen qaraıyq. Kelesi joly Mádına bárimiz sııaqty ýaqytynda keletin bolady dep senemiz. Bas múftı Serikbaı Oraz da kele almady. Óıtken erteń - aıt. Soǵan daıyndalyp jatyr. Biraq bir apta buryn Prezıdenttiń senim bildirgeni úshin alǵysyn aıtyp, otyrysqa qatysamyn degen. Sáýle Mektepbaeva buryn komıssııanyń múshesi bolmasa da, sarapshy retinde keńes berip otyrdy. Endi, komıssııanyń tolyq múshesi retinde aramyzǵa qosylyp otyr. Osy jumysqa úlken jaýapkershilikpen qaraıtyn barlyq komıssııa múshelerine alǵys aıtamyn», - dedi Q.Sultanov.
Aıta keteıik, otyrys barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev baıandama jasap, memlekettik qyzmetshilerdiń quqyqtaryn qorǵaý týraly týraly aıtyp berdi. Jemqorlyq máselesi de tys qalmady. Al QR Parlament Senatynyń depýtaty Birǵanym Áıtimova memlekettik qyzmetke jańadan keletin mamandardy jemqorlyqtan qorǵaý qajettigin jetkizdi.