Adaldyq alańy: 6,2 myńnan astam memqyzmetshi shok-terapııadan ótti
Agenttiktiń málimetinshe, búgingi kúni «Adaldyq alańy» jobasy – memleket pen azamattyq qoǵamnyń ózara is-qımylynyń biregeı alańy. Búginge deıin agenttik 14 óńirde «Antıkor» ortalyǵyn ashty.
«Open space formaty - memlekettik organdardy transformatsııalaý krıterııleriniń biri. Qazirgi ýaqytta elimizde jalpy 1107 memlekettik mekeme jańa formatta qyzmet etse, onyń 150-i osy jyldyń birinshi toqsanynda aýysqan. Ótken kezeńde 97 memlekettik mekeme jurtshylyqpen jumystyń servıstik modeline kóship, 296 basshy birinshi qabattarǵa kóshirilgen. Sonymen qatar jyl basynan beri 2933 azamat jobalyq keńselerge júginip, olardyń 70 paıyzy óz suraqtaryn sheshti», - dep habarlaıdy agenttikten.
Máselen «Ertis – adaldyq alańy» jobalyq keńsesiniń kómegimen Pavlodar oblysynda kópbalaly otbasyna memlekettik turǵyn úı qorynan páter berilip, fermerlik sharýashylyqty sýbsıdııalaý máselesi sheshimin tapqan. Al «Qyzyljar – adaldyq alańy» jobalyq keńsesi densaýlyq saqtaý salasyndaǵy sybaılas jemqorlyqqa qarsy monıtorıng qorytyndysy boıynsha naýqastardy qymbat dári-dármekpen qamtamasyz etý máselesin anyqtaǵan.
Búgingi tańda jobalyq keńselerdi jetekshi sarapshylar men qoǵamdyq pikir kóshbasshylary basqarady. «Adaldyq alańy» keńseleri mınıstrlikterde de ashylǵan. Olardy QR Prezıdentiniń shtattan tys keńesshisi Oljas Qudaıbergenov, «Eýrazııalyq ınnovatsııalardy damytý qory» QF negizin qalaýshy jáne dırektory Bolat Qasymov, «QAZMZÝ» ýnıversıtetiniń basqarma tóraǵasy Talǵat Nárikbaev jáne qoǵam qaıratkerleri A. Soloveva, A. Súleımenov, M.Qamzoldaev, M. Dýanbekov sekildi jetekshi sarapshylar basqarady.
«Adaldyq alańy» usynǵan «Shok terapııasy» aıasynda sybaılas jemqorlyq quqyq buzýshylyqtar jasaýdyń aldyn alý jumystary sheńberinde basshy býyndaǵylardy qosqanda 6,2 myńnan astam memlekettik qyzmetshi bas bostandyǵynan aıyrý oryndaryna baryp, sondaǵy sottalǵandardyń ómirimen tanysyp qaıtty», - dep habarlaıdy agenttikten.