«Adaldyq saǵaty» aktsııasy 760 myń jasóspirimdi qamtydy
«Osy jyldyń 18 mamyrynda jastardyń arasynda parasattylyq ıdeologııasyn nasıhattaý jáne tereń bilimniń mańyzdylyǵyn túsindirý maqsatynda kezekti «Adaldyq saǵaty» respýblıkalyq aktsııasy ótti. Dástúrli túrde toqsan saıyn ótkiziletin osy jolǵy «Adaldyq saǵatynyń» ózindik ereksheligi boldy. Birinshiden - bıyl ultymyzdyń uly perzenti Abaı Qunanbaıulynyń 175-jyldyq mereıtoıy. Ol óziniń 176 óleńi, 3 poemasy men 45 qarasózin bizge ónegeli mura retinde qaldyrdy. Eńbekterinde adal eńbekti, jalpy adaldyq qasıetin dáriptegen. Dana halqymyz uly oıshyl jaıly «Abaı bolý, aldymen adam bolý» deıdi. Sondyqtan, «Adaldyq saǵatynyń» taqyryby «Adaldyqty mura etken Uly Abaı» retinde anyqtaldy. Basty maqsat – uly aqynnyń eńbekteri arqyly óskeleń urpaqtyń boıyna ádildik, parasattylyq jáne senim qundylyqtaryn sińirý. Ekinshiden, qazirgi karantın jaǵdaıynda bul aktsııa alǵash ret onlaın formatta ótti. Onyń aıasynda elimizdiń barlyq bilim oshaqtarynyń 760 myńnan astam jasóspirimi qamtyldy«, - dedi ol agenttik alańynda ótken onlaın brıfıng barysynda.
Onyń atap ótýinshe, aktsııa onlaın formatta bolǵandyqtan, Bilim jáne ǵylym, Aqparat jáne qoǵamdyq damý mınıstrlikterimen aldyn ala kelisip, «Adaldyq saǵaty» respýblıkalyq telearnalardyń beınesabaq kestesine engizildi. Beıne-dáris 18 mamyr kúni memlekettik tilde «Balapan», al orys tilinde «EL ARNA» telearnasynda tikeleı efırde kórsetildi. Odan bólek, beıne-dárister agenttiktiń Youtube kanalyna júktelip, aýmaqtyq departamentter men «Adaldyq alańy» jobalyq keńseleriniń áleýmettik jelilerinde tikeleı efırde kórsetilgen bolatyn. Búgingi kúniaAgenttiktiń Youtube kanalynda beıne-dáris qaralymy 220 myńnan, jazylǵan pikirlerdiń sany 25 myńnan asty. Al agenttik pen aýmaqtyq departamentterdiń Feısbýk paraqshasynda bul kórsetkish tıisinshe, 30 jáne 7 myńdy qurady. Áleýmettik jelidegi eń kóp qaralym Almaty, Jambyl, Shyǵys Qazaqstan oblystary men Nur-Sultan, Shymkent qalalarynda bolǵan. Ár oqýshy men stýdentti qamtý úshin qashyqtyqtan oqytýdyń barlyq qoljetimdi platformalary paıdalanyldy.
Uly Abaıdyń 175 jyldyq mereıtoıyna arnaıy ótkizilgen agenttiktiń osy ımıdjdik sharasy buqaralyq aqparat quraldarynda keńinen jarııalandy. Arnaıy suqbattar «Tańsholpan» baǵdarlamasynda, «Almaty» jáne «Qazaqstan» telearnalarynda shyqty. Beıne-dáris pen arnaıy sıýjetter oblystyq jáneaýdandyq telearnalarda da uıymdastyryldy.
«Onlaın formatta ótken osy is-shara qoǵam tarapynan qoldaýǵa ıe boldy. Onyń tárbıelik mańyzdylyǵy týraly óńirlerdegi aqparttyq-aǵartýshylyq top músheleri, «Adaldyq alańy» jobalyq keńse jetekshileri, qoǵam belsendileri suhbat berip, BAQ arqyly pikirlerin jarııalady. Al jastar bolsa, onlaın dáris ótkennen keıin óz pikirlerimen jelide bólisip, fleshmob retinde Abaıdyń adaldyq, ádildik, parasattylyq týraly shyǵarmalaryn oqyp, oılaryn ortaǵa saldy», - dedi departament basshysy.
Ǵanıjan Asanulynyń aıtýynsha, onlaın formatta ótken «Adaldyq saǵaty» birqatar basymdyqtardy kórsetti. Birinshiden, arnaıy ázirlengen bir ǵana beınerolık arqyly barlyq bilim berý oshaqtary qamtyldy. Nátıjesinde, adamı resýrstar men ýaqyt barynsha únemdeldi. Ekinshiden, áleýmettik jelide jastarmen tıimdi keri baılanys ornatyldy. Beıne-dáristiń bir jerde onlaın taralýy, jastar arasynda parasattylyq júıesin qalyptastyrýdyń jańa tetigine aınaldy. Úshinshiden, tereń bilimmen qatar, adaldyq pen parasattylyq qundylyqtarynyń mańyzyn óz ǵulamalarymyzdyń eńbekteri arqyly jetkizý jastar, jalpy qoǵam tarapynan qoldaýǵa ıe boldy.
«Bıyl elimizde búkil álem moıyndaǵan, danyshpan babamyz Ál-Farabıdiń 1150 jyldyq mereıtoıy atalyp ótedi. Ol óz shyǵarmalarynda, onyń ishinde «Qaıyrymdy qala turǵyndary» eńbeginde tárbıe, meıirimdilik, parasattylyq jáne ádildik jaıly oı qozǵaǵan. Sondyqtan, kelesi oqý jylynyń alǵashqy «Adaldyq saǵatyn» uly Ál-Farabıge arnalady», - dedi ol.