«Adaldyq alańy» jobalyq keńsesi dárihanalarǵa monıtorıng júrgizgen bolatyn
Jıynǵa Nur-Sultan qalasy ákiminiń orynbasary Baqtııar Máken, QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysynyń birinshi orynbasary Baqytjan Nııazov, QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti janyndaǵy arnaıy monıtorıngtik toptyń tóraǵasy Shavkat Ismaıylov, «Astana-Adaldyq Alany» jobalyq keńsesi basshysynyń mindetin atqarýshy, Nur-Sultan qalasy máslıhatynyń depýtaty Baqdáýlet Jandildaev qatysty.
Baqtııar Mákenniń aıtýynsha, elordada barlyq memlekettik mekemeler qyzmet kórsetýdi tolyǵymen tsıfrlandyrǵan.
«Qala qaýipsizdigi, bilim berý, medıtsına jáne TKSh salalary boıynsha tsıfrlandyrý jumystary nátıjeli júrgizildi. Búgingi tańda turǵyndarǵa 159 qyzmet túri elektrondyq formatta kórsetiledi. Meniń oıymsha, jasalyp jatqan jumystar halyq úshin qolaıly. Buǵan deıin azamattar mekemege qońyraý shalyp, qujatyn tasyp júrse, endi barlyǵy kompıýterdiń kómegimen tez bitedi. Elordalyq mektepter 100% kompıýtermen jabdyqtalǵan. Mektep ashanalary da tólemdi elektrondy qabyldaıtyn bolady. Densaýlyq saqtaý salasynda elektrondyq pasport jasaldy. Derekterdi ýaqytynda tsıfrlandyrǵanymyz vaktsınatsııa protsesin edáýir jeńildetti. Eger adam basqa aımaqtan kelse, tólqujaty arqyly da onyń medıtsınalyq tarıhyn dárigerler kóre alady», — dedi ol.
Osy jyldyń birinshi toqsanynda «Adaldyq alańy» jobalyq keńsesi dárihanalarǵa monıtorıng júrgizgen bolatyn.
«Karantın engizilgennen beri qalalyq máslıhat depýtattary birneshe ret qoǵamdyq nysandarǵa tekserý júrgizdi. Aýa raıynyń jylýyna baılanysty jobalyq keńsege turǵyndardan aryz-shaǵym jıilep tústi. Soǵan oraı arnaıy monıtorıng júrgizip, jaýapty organdarǵa suranys jiberdik. Jol sapasyna basa nazar aýdaryp otyrmyz. Onlaın formatta mektep oqýshylaryna «Adaldyq alańy» tárbıe saǵattaryn ótkizýdi de qolǵa aldyq. Jaqynda «Astana adaldyq alany» jobasy men elordalyq máslıhat arasynda memorandýmǵa qol qoıdyq. Memorandým aıasynda sybaılas jemqorlyqpen kúreste birlese qyzmet jasamaqpyz», — dedi «Astana adaldyq alany» jobasynyń jetekshisi Baqdáýlet Jandildaev.
Qala ákiminiń orynbasary basqarma basshylaryna otyrysta talqylanǵan mańyzdy máselelerdi ózge de qyzmetkerlerge jetkizýdi, sybaılas jemqorlyqtyń aldyn alýdy tapsyrdy.