«Adal» partııasy saılaýaldy baǵdarlamanyń jobasyn jarııalady

NUR-SULTAN. QazAqparat - Búgin «Adal» saıası partııasynyń kezekten tys VII sezinde uıymnyń saılaýaldy baǵdarlamasynyń jobasy tanystyryldy, dep habarlaıdy QazAqparat tilshisi.

«Adal» partııasy qoǵam ómiriniń barlyq salasynda keń aýqymdy jańǵyrtý isine kirisedi. Biz alǵa qoıǵan barlyq maqsatqa qol jetkizýimiz qajet. Kúndelikti jumysymyzdyń, is-áreketimizdiń máni azamattarymyzǵa qamqorlyq ekendigin kórsetkimiz kerek. Bul partııa jumysynyń máni dep sanaımyz. Partııa baǵdarlamasy 5 negizgi basymdyqtan turady. Olar: Barlyq azamatqa laıyqty ómir; Kásipkerlik – tabysty memlekettiń negizi; AÓK-ti damytý jáne azyq-túlik qaýipsizdigi; Qýatty óńir – qýatty el; Memleket adamdar úshin«,- dedi «ADAL» saıası partııasy saıası keńesiniń múshesi Oljas Ordabaev.

Buǵan deıin «Adal» saıası partııasynyń kezekten tys VII sezinde Májilis depýtattyǵyna kandıdattardyń tizimi bekitilgenin habarlaǵan edik.