«Adal» partııasy óz qyzmetin toqtatty

ASTANA. QazAqparat – «Adal» partııasy óz qyzmetin toqtatýǵa qujat tapsyrdy, dep habarlaıdy QazAqparat QR Ádilet mınıstrliginiń baspasóz qyzmetine silteme jasap.

«Adal» partııasy 2022 jyldyń sáýirinen «AMANAT» partııasynyń quramyna kirgen edi.

Azamattyq kodekstiń 45-babyna sáıkes 2022 jylǵy 20 jeltoqsanda «AMANAT» partııasy» qoǵamdyq birlestigine qosylý jolymen qaıta uıymdastyrýǵa baılanysty «ADAL» saıası partııasy» qoǵamdyq birlestigi qyzmetiniń toqtatylýyn tirkeý júrgizildi.

«ADAL» saıası partııasy» qoǵamdyq birlestiginiń 2022 jylǵy 17 naýryzdaǵy № 2 kezeksten tys sezdiniń hattamasy, «AMANAT» partııasy» qoǵamdyq birlestiginiń 2022 jylǵy 26 sáýirdegi kezekten tys HHІІІ sezdiniń hattamasy zańdy tulǵa qyzmetiniń toqtatylýyn tirkeýge negiz bolǵan.

2022 jylǵy 26 jeltoqsandaǵy jaǵdaı boıynsha 6 saıası partııa tirkelgen:

1. «AMANAT» partııasy;

2. «Aq Jol» Qazaqstannyń demokratııalyq partııasy;

3. Qazaqstan Halyq partııasy;

4. «Aýyl» halyqtyq-demokratııalyq patrıottyq partııasy;

5. «Jalpyulttyq sotsıal-demokratııalyq partııa»;

6. «Qazaqstannyń «Baıtaq» jasyldar partııasy.

Buǵan deıin atalǵan vedomstvo «Respublica» saıası partııasy áli resmı tirkeýden ótpegenin málimdegen.

Sondaı-aq, «Baıtaq» partııasy memlekettik tirkeýden ótti. Bul týraly atalǵan saıası uıymnyń jetekshisi Azamathan Ámirtaı áleýmettik jelide jazdy.

Foto: facebook.com/adalpartiasy