«ADAL» partııasy músheleriniń Aqtóbe men Aqmola turǵyndarymen kezdesýi qyzyqty ótti

NUR-SULTAN. QazAqparat - Aqtóbe oblysynda saılaýshylarmen kezdesýlerdi Májilis depýtattyǵyna úmitkerler Ardaq Nazarov, Maqsat Tolyqbaı, Laýra Malıkova, Lázzat Shyńǵysbaeva jáne partııa ókilderi - Nurlybek Muqanov, Ánýar Kerembaev jalǵastyrdy.

Partııa ókilderi Aqtóbe qalasynyń qoǵamdastyq ókilderimen Óner akademııasynda kezdesip, úgit-nasıhat júrgizdi.

«ADAL» partııasy ókilderiniń aıtqandaryn tyńdap, ózderiniń muń-mutajdyqtaryn ortaǵa salý úshin kezdesýge bıznes ókilderi, jastar men túrli uıym, mekemelerdiń qyzmetkerleri jınaldy.

Partııa músheleri óz uıymdarynyń basymdyqtaryn jan-jaqty jetkizdi jáne osy basymdyqtardyń barlyǵy olardyń basty maqsatyn júzege asyrýǵa, ıaǵnı qazaqstandyqtardyń ómir sapasyn arttyrýǵa baǵyttalǵandyǵyn aıtty.

Sondaı-aq Parlament Májilisiniń depýtattyǵynan úmitker Dáýlet Muqaev, «Bıg Shanhaı», «Samǵaý», «Orda Bazar» sııaqty elordada ornalasqan bazarlarda boldy. Dáýlet Muqaev onda azamattardy partııa baǵdarlamasymen tanystyryp, onyń basymdyqtary týraly áńgimeledi.