«ADAL» partııasy Almaty oblysynyń turǵyndarymen kezdesti
Onda «ADAL» partııasynan QR Parlamenti Májilisiniń depýtattyǵyna kandıdattar sóz sóıledi. Spıkerler retinde belgili sportshy, qoǵam qaıratkeri Ardaq Nazarov, telejýrnalıst, qoǵam qaıratkeri Dáýlet Muqaev, belgili telejýrnalıst, «Ashyq alań» telejobasynyń júrgizýshisi, Maltabu.kz saıtynyń avtory Maqsat Tolyqbaı, «Meniń Atamekenim» áleýmettik qorynyń tóraıymy, qoǵam qaıratkeri Lazzat Shyńǵysbaeva, «Shopan Ata» Qazaqstan qoı ósirýshiler Ulttyq Assotsıatsııasynyń tóraǵasy Almasbek Sadyrbaev qatysty.
Baspasóz konferentsııasynda depýtattyqqa kandıdattar jýrnalısterdi partııanyń baǵdarlamasymen, úgit-nasıhat kezeńindegi bastamalary men josparlarymen tanystyrdy.
Konferentsııa barysynda Maqsat Tolyqbaı «ADAL» partııasynyń tsıfrlyq portaly týraly aıtyp berdi. Ol saıttyń kómegimen saılaýshylar partııaǵa kirip qana qoımaı, óz aımaǵyndaǵy máseleleri týraly da aıta alatyndyǵyn eske saldy.
Sondaı-aq, depýtattyqqa kandıdat árbir paıdalanýshy saıtqa kirip, partııa jumysynyń negizgi baǵyttarymen tanysyp, ózekti áleýmettik-ekonomıkalyq problemalar týraly bilip, eldiń damýyna óz úlesterin qosa alatynyn aıtty.
QR Parlamenti Májilisiniń depýtattyǵyna taǵy bir kandıdat Dáýlet Muqaev Qazaqstandaǵy turǵyn úı máselesiniń ózektiligin eske saldy.
Lázzat Shyńǵysbaeva «ADAL» partııasynan kandıdattardyń eń tómengi ortasha jasy – 41,6 jasty, al barlyq kandıdattardyń jalpy ortasha jasy 46,7 jasty quraǵanyn jetkizdi.
Budan ári depýtattyqqa kandıdattar Taldyqorǵan qalasynyń turǵyndarymen kezdesýge baryp, azamattardy tolǵandyratyn ózekti máselelerdi, atap aıtqanda, aýyl turǵyndarynyń qalalarǵa kóshi-qon máselesin tyńdady.
Esterińizge sala keteıik, 2021 jyldyń 11 qańtarynda kezekti Parlamenttik saılaý ótedi. Qarasha aıynda «ADAL» partııasy saılaýaldy baǵdarlamasynyń jobasyn tanystyrdy.