ÁCh: Lázzat Kúngeıbaeva jartylaı fınalda judyryqtasady

ASTANA. QazAqparat – Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynda el quramasynan jartylaı fınalǵa altynshy joldamaǵa Lázzat Kúngeıbaeva ıe boldy, dep habarlaıdy QazAqparat tilshisi.

Lázzat Kúngeıbaeva (81 keliden joǵary) shırek fınalda úndistandyq Nýpýrmen joldama úshin talasty. Alǵashqy eki raýndta boksshylar terezesi teń deńgeıde oıyn kórsetti. Úshinshi raýndta qazaqstandyq boksshynyń qarqynyn arttyrǵany baıqaldy. Nátıejesinde, tóreshiler Lázzattyń jeńiske jetkenine qoldaý bildirdi.

Lázzat Kúngeıbaeva álem chempıonatynda 2016 jyly altyn alsa, 2014 jyly kúmis júldeger boldy. Al, Azııa chempıonatynda 2021 jyly chempıon atansa, tórt márte kúmis jáne qola medal alǵan.

El quramasynan búgin bes boksshy jartylaı fınalǵa joldama aldy. Olardyń qatarynda Alýa Balqybekova (48 keli), Karına Ibragımova (57 keli), Farıza Sholtaı (81 keli), Nadejda Rıabets jáne Valentına Halzova bar.

Al, Mádına Nurshaeva (70 kg) brazılııalyq Barbara dos Santosqa jol berse, keshki sessııada Jaına Shekerbekova (54 keli) kolýmbııalyq Marsela Arıaspege, Rımma Volosenko (60 keli) qytaılyq Venlý ıAnge ese jiberip qoıdy.