Abzal Serik pen Samatáli Tóltaev dopıng daýyna ilikti
12:08, 10 Shilde 2023
ASTANA. QazAqparat – Boksshylar Abzal Serik pen Samatáli Tóltaevtyń qan quramynan dopıng tabyldy, dep habarlaıdy QazAqparat tilshisi.
Dopıngke qarsy ulttyq ortalyq málimetinshe, osy jyldyń 8 naýryzynda boksshy Abzal Serikten jarystan tys taldama alynǵan. Tekserý barysynda boksshy qanynan metasteron anyqtaldy. Sondyqtan ol 2026 jyldyń 7 sáýirine deıin jarystardan shettetiledi. Taǵy bir boksshymyz Samatáli Tóltaevtyń qan quramynan oraltýrınabol tabyldy. Bul sportshymyz da 2026 jyldyń 31 naýryzyna deıin jarystarǵa qatysa almaıdy.
Esterińizge sala ketsek, osy jyldyń qańtarynda 22 jasqa deıingi sportshylar arasyndaǵy Bangkokte ótken Azııa chempıonatynda Abzal Serik kúmis júldeger atanǵan bolatyn. Al Samatáli Tóltaev bokstan «Elorda kýbogy» halyqaralyq týrnırinde jeńis tuǵyryna kóterilgen edi.