Abzal Ájiǵalıev: Jańa quramada bir-birimizge sáıkese almaı qaldyq

PHENChHAN. QazAqparat - Qazaqstannyń short-trek quramasynyń kapıtany Abzal Ájiǵalıev estafetalyq jarystan keıin óz pikirimen bólisti, dep habarlaıdy QazAqparat tilshisi.

"Estafeta ­­­­- komandalyq jarys. Bul jerde biz bir-birimizge sáıkesýimiz kerek edi. Biraq, jańa quramamen biz Olımpıadaǵa jarty maýsym ǵana daıyndaldyq. Negizi, eń keminde tolyq bir maýsym daıyndalýymyz kerek edi. Sol úshin biz qatelikterge boı aldyrdyq. Bas bapkerimiz Mádiǵalı Qarsybekov fınalǵa shyǵýǵa tapsyrma bergen bolatyn. Biz ol mejeni oryndaı almadyq", - dedi Abzal Ájiǵalıev.

Aıta keteıik, qazaqstandyq short-trekshiler estafetalyq jarysta fınalǵa óte almaı qalǵan edi.

Sondaı-aq, 1000 metr qashyqtyqta synǵa túsken short-trekshi Nurbergen Jumaǵazıev fınalǵa ótpeı qaldy.