Abylaıhan Júsipov otyz úsh qarsylasyn nokaýtqa túsirgen boksshymen jekpe-jek ótkizedi

ASTANA. QazAqparat – Bokstan Qazaqstan quramasynyń burynǵy kapıtany Abylaıhan Júsipov (2-0, 1 KO) 26 tamyzda nıkaragýalyq Ýıston Kampospen (33-11-6, 19 KO) jekpe-jekke shyǵady, dep habarlaıdy QazAqparat Vesti.kz saıtyna silteme jasap.

Abylaıhan Júsipov Top Rank on ESPN AQSh-tyń Talsa qalasynda uıymdastyratyn boks keshiniń anderkardynda rıngke shyǵady.

Segiz raýndtyq jekpe-jektegi Júsipovtiń qarsylasy aıtarlyqtaı tájirıbeli - ol ózbekstandyq prospekt Shahram Gııasov jáne brıtanııalyq Djosh Teılormen judyryqtasqan. Degenmen ekeýinde de jeńilgen. Al jalpy ol karerasynda 50 aıqasqa shyǵypty, onyń otyz úshinde jeńiske jetken, onyń on toǵyzy nokaýtpen. Sonymen birge, ol on bir ret jeńiliske ushyrap, alty ret teń túsken eken.

31 jastaǵy boksshy karerasyn 2010 jyly bastapty. Osy ýaqytqa deıin AQSh, Ulybrıtanııa, Kotsta-Rıka jáne Meksıka jerinde óner kórsetken. Degenmen aıqastarynyń basym bóligin Otanynda ótkizgen. Jartylaı orta salmaq reıtınginde ol Nıkaragýada altynshy, al álemdik reıtıngte 322-orynda.