Abylaıhan Júsipov bokstan Olımpıadaǵa irikteý týrnırinde qola júldeger atandy
17:48, 10 Naýryz 2020
NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde Abylaıhan Júsipov qola medal ıelendi, dep habarlaıdy QazAqparat tilshisi.
Erler arasynda 69 keli salmaqta el namysyn qorǵap jatqan otandasymyz Abylaıhan Júsipov jartylaı fınalda úndistandyq Vıkash Kırshanmen judyryqtasyp, tóreshiler sheshimimen utylyp qaldy.
Osylaısha jerlesimiz atalǵan týrnırde qola júldeger atandy.
Esterińizge sala keteıik, osyǵan deıin Zakır Safıýllınniń qazaq boksshylary arasynda birinshi bolyp olımpıadalyq irikteý týrnıriniń fınalyna shyqqanyn jazǵan bolatynbyz.
Foto: olympic.kz